Familia de linguas: Diferenzas entre revisións

== Características ==

O antepasado é coñecido de forma directa en poucas ocasións xa que o rexistro histórico da maioría das linguas é moi curto. Así a todo, é posible recuperar moitas das características do antepasado común de linguas relacionadas aplicando o [[método comparativo]], un procedemento de reconstrución desenvolvido no [[século XIX|s. XIX]] polo [[lingüista]] [[August Schleicher]]. Pódese demostrar doadamente o status de moitas das familias listadas mais abaixo.

 

O devanceiro común dunha familia (ou unha rama) coñécese como "[[protolingua]]". Por exemplo, a protolingua reconstruída da ben coñecida familia [[Indoeuropeo|indoeuropea]] é chamada [[protoindoeuropeo]] (da que non se conservan restos escritos xa que foi usada antes da invención da [[escrita]]). Ás veces unha protolingua pode ser identificada cunha linguaxe coñecida.