Dashiell Hammett: Diferenzas entre revisións

'''Samuel Dashiell Hammett''', nado o [[27 de maio]] de [[1894]] e finado o [[10 de xaneiro]] de [[1961]], foi un escritor norteamericano de [[novela negra]].

 

Aínda que a tendenza realista tanto nos contidos como na linguaxe xa comezara nos relatos de [[Ernest Hemingway]], Hammett codificou o estilo de ficción protagonizada por "tipos duros", onde se representan os baixos fondos e as baixas paixóns que levan á xente real a cometer crimes. Como dixo [[Raymond Chandler]]: "Hammett devolveulle o crime á xente que o cometia por unha razón, non só para proporcionar un cadáver; e cos meios que tiña a man, non con pistolas de duelo feitas a man, curare ou peixes tropicais. Puxo a esta xente no papel tal como eran, e fíxoos pensar e falar como o facían ao dedicárense a isto." <ref> "Hammett gave murder back to the kind of people that commit it for reasons, not just to provide a corpse; and with the means at hand, not hand-wrought dueling pistols, curare and tropical fish. He put these people down on paper as they were, and he made them talk and think in the language they customarily used for these purposes." Raymond Chandler: ''The simple Art of Murder'' Athlantic Monthly, 1950 </ref>

 

O seu primeiro conto publicouse en ''[[Black Mask]]'' en 1923, e aí naceu o ''Continental Op'' baseado nas súas experiencias como detective da axencia Pinkerton. Até 1930 apereceria nuns 30 contos e en dúas novelas. A primeira delas foi ''[[Red Harvest]]'' (1929), a primeira obra mestra da novela negra, representando unha serie de crimes sen fin nunha cidade corrupta que podería ser calquer grande urbe contemporánea. A partir de 1929 apareceu a personaxe de [[Sam Spade]], que será o arquetipo de detective "[[hard boiled]]", un tipo frio e solitario, co seu propio sentido da xustiza. A representación que del fixo [[Humphrey Bogart]] na película ''The Maltese Falcon'' (dirixida en 1941 por [[John Huston]]) sentou a base de toda unha tradición fílmica e introduciu un novo mito no imaxinario colectivo.

 

Hammett deixou de escribir en 1934. Malia que intentou retomalo posteriormente, no momento da súa morte só quedaron uns capítulos dunha nova novela ''Tulip'', que por primeira vez non era de detectives.

 

En 1951 cumpriu 5 meses de prisión por negarse a declarar ante o Comité de Actividades Antiamericanas sobre as súas actividades no [[Partido Comunista dos Estados Unidos]].

 

 

{{referencias}}

 

[[ru:Хэммет, Дэшил]]

[[sh:Dashiell Hammett]]

[[sv:Dashiell Hammett]]

[[tr:Dashiell Hammett]]