Serres, Muros: Diferenzas entre revisións

{{Parroquia

}}

'''San Xoán de Serres''' é unha parroquia que se localiza no sur do concello de [[Muros]]. Segundo o padrón municipal de [[2004]] tiña 2.307 habitantes (1.193 mulleres e 1.114 homes) distribuídos en 13 entidades de poboación, o que supón unha diminución en relación ao ano [[1999]] cando contaba con 2.494 habitantes.

 

==Patrimonio==

A '''igrexa parroquial''' de San Xoán Bautista sufriu ao longo da súa historia diferentes ampliacións e remodelacións. A partida máis antiga conservada no seu arquivo é de 1600. No [[século XVIII]] a Cofraría da Nosa Señora das Dores financiou a construción da capela maior, incorporada ó corpo principal da igrexa. En [[1892]] levouse a cabo unha gran ampliación, quedando o edificio actual con planta de cruz latina, sacristía, presbiterio, nave central e dúas capelas.

 

En [[1984]] remodelouse o presbiterio, desprazándose cara adiante o altar de pedra incorporado ó retablo, tamén de pedra. Engadiuse tamén un sagrario de pedra atopado entre escombros. En [[1991]] volveuse ampliar, quedando a nave central de forma cuadrangular.

 

O '''santuario da Virxe do Carme''', de estilo [[gótico]], foi construído cara o [[século XV]]. Acolle unha imaxe da Virxe, atopada segundo a tradición nunha praia veciña.

 

A planta é rectangular, composta por unha soa nave dividida en catro tramos por tres arcos apuntados. No exterior ten grosos contrafortes e uns grandes [[canzorro]]s de inspiración románica. A carón da fachada principal está anexo o edificio que correspondeu ao antigo Hospital de Lazarados, que tamén servía lugar de acollida para os peregrinos que dende Compostela se dirixían a Fisterra. O conxunto da obra foi declarado Monumento Nacional.

 

O '''muíño de marea do Pozo de Cachón''' foi construído no primeiro cuarto do [[século XIX]]. Logo de estar abandonado, en [[1990]] iniciouse a súa rehabilitación. Ten planta rectangular, cunha parte adicada a almacén onde a principios do [[século XX]] funcionaron os Baños de Santa María, unha balneario especializado na hidroterapia con auga mariña e baños temperados de algas.

 

 

==Galería de imaxes==

<gallery>

</gallery>

 

{{Lp Serres}}

{{Muros}}

 

[[Categoría:Parroquias de Muros]]