White Star Line: Diferenzas entre revisións

[[Ficheiro:WhiteStarLogo.svg|right|thumb|200px|Logotipo da White Star Line.]]A '''Oceanic Steam Navigation Company''' ou '''White Star Line of Boston Packets''', máis coñecida como '''White Star Line''', foi unha prominente compañía navieira británica, famosa hoxe en día por ser a propietaria do [[RMS Titanic]], e do seu buque irmán o [[HMHS Britannic]]. En [[1934]] a compañía fusionouse coa súa rival, a [[Cunard Line]], que operou de xeito independente ata [[2005]] e agora é parte de [[Carnival Corporation & PLC]].

 

[[Ficheiro:RMS Baltic.jpg|thumb|O ''Baltic''.]]A primeira compañía que levou o nome de '''White Star Line''' foi fundada en [[Liverpool]], [[Inglaterra]] por John Pilkington e Henry Threlfall Wilson, e centrada no comercio entre o [[Reino Unido]] e [[Australia]], o cal incrementou tras a descuberta de [[ouro]] en Australia. A frota orixinal consistiu dunha asociación de veleiros ''[[RMS Tayleur]]'', o ''Blue Jacket'' (que sería renomeado ''White Star''), o ''Red Jacket'', o ''Ellen'', o ''Ben Nevis'', o ''Emma'', o ''Mermaid'' e máis o ''Iowa''. O primeiro barco de vapor, o ''Royal Standard'' foi mercado en [[1863]].

 

Orixinalmente a White Star Line xurdiu doutras dúas compañías máis pequenas, Black Ball e Eagle, que formaron a ''Liverpool, Melbourne and Oriental Steam Navigation Company Limited''. Isto non prosperou e a White Star disolveuse. A ''White Star Line'' centrouse daquela na ruta Liverpool-[[Nova York]]. O banco da compañía quebrou en [[1867]]. E a White Star foi forzada á bancarrota debido á debeda de 527.000 libras.

 

[[Ficheiro:RMS Titanic 1.jpg|thumb|left|Anuncio do ''Titanic'', [[1912]].]]A Cunard Line foi a principal competidora da White Star. En resposta a Cunard, a White Star ordena a construción da [[clase Olympic]]: o [[RMS Olympic]], o [[RMS Titanic]] e máis o [[HMHS Britannic]]. Mentres que a Cunard foi famosa polos seus rápidos barcos, a clase ''Olympic'' contiña os barcos máis grandes e luxosos do mundo. O ''Britannic'' foi deseñado para ser máis grande có ''Titanic'', e ser chamado ''Gigantic'' pero o seu nome foi cambiado pouco despois da catástrofe do [[RMS Titanic|Titanic]]. O Olympic foi o único barco da clase que foi rentable para a White Star. O Titanic afundiuse na súa primeira viaxe, mentres que o Britannic foi requisado polo goberno británico e foi empregado coma barco hospital. O Britannic afundiuse tras chocar cunha mina o [[21 de novembro]] de [[1916]].

 

As oficiñas da White Star Line en [[Londres]], chamadas ''Oceanic House'', aínda existen hoxe. Están moi preto de [[Trafalgar Square]], e aínda se pode ver o nome do edificio na entrada.

 

A bandeira da White Star Line é izada no ''Queens'' cada [[15 de abril]], en memoria do desastre do ''Titanic''.

 

* http://titanic.deep-ice.com/

* http://www.maritimequest.com/liners/titanic_page_1.htm

* http://www.cunardwhitestar.com/

{{White Star Line}}

[[Categoría:Barcos]]

[[Categoría:White Star Line]]

[[sv:White Star Line]]

[[th:ไวต์สตาร์ไลน์]]

[[vi:White Star Line]]