Geza Vermes

Geza Vermes, nado en Mako (Hungría) o 22 de xuño de 1924. Foi un dos primeiros estudosos dos Manuscritos do Mar Morto e un especialista de primeiro nivel a escala mundial en materia de xudaísmo histórico e na figura do Xesús de Nazareth histórico.

Traxectoria

A súa nai e o seu pai xornalista, morreron no holocausto. Graduouse en Historia Oriental e Filoloxía pola Universidade de Lovaina e obtivo o doutoramento en Teoloxía. Foi colaborador do Centro Nacional de Investigacións científicas en parís e profesor de estudos bíblicos na Universidade de Newcastle. En 1965 é designado profesor de estudos xudeus na Universidade de Oxford.

A súa familia aínda que de orixe xudía, profesaba o catolicismo. Relixión que el abandonou para recuperar plenamente a súa condición de xudeu.

É membro da Academia Británica e da Academia Europea das Artes, das Ciencias e das Humanidades.

Ostenta doutoramentos honoris causa polas Universdades de Edimburgo, Durham e Sheffield e a universidade Europea Central de Budapest.

Como froito das súas prolongadas investigacións, refutou as posicións que puñan en dúbida a historicidade de Xesús de Nazareth, así como aquelas posicións que entendían que Xesús se afastou da relixión xudía. Pretendeu achegarse desde criterios puramente históricos ao suposto fundador do cristianismo para chegar á conclusión que este non pretendeu fundar unha relixión esgallada do xudaísmo.

Obras

• Jesus the Jew: A Historian´s Reading of the Gospes. Minneapolis, 1973.

• The Dead Sea Scrolls: Qumran in Perpective, Minneapolis, 1977

• Jesus and the World of Judaism, Minneapolis 1983

• The Religion of Jesus the Jew, Minneapolis, 1993