Domingos de Guzmán: Diferenzas entre revisións

En 1215 celebrouse o [[IV Concilio de Letrán]], que decidiu prohibir a fundación de novas ordes relixiosas. Isto parecía un golpe para o proxecto de [[orde mendicante]] de Domingos, pero [[Inocencio III]], que lle tiña simpatías, consentiu que se constituíra a súa comunidade sempre que adoptaran unha regra xa existente adaptada aos novos tempos e á itinerancia dos predicadores. Domingos e os seus compañeiros, reunidos o día de [[Pentecostes]], adoptaron e adaptaron a [[regra de Santo Agostiño]]. A organización dos predicadores sería democrática, elixindo entre todos aos seus superiores. Cando volveu a [[Roma]] para confirmar esta regra, xa había un novo Papa, [[Honorio III]], que se resistía a confirmarlla. Entre os dignatarios eclesiásticos o carisma da predicación inspiraba unha forte oposición. Houbo que agardar a unha [[Bula]], ''Religiosam vitam'', de 21 de xaneiro de 1217 para que a degorada confirmación papal tivese lugar.