Gran Premio de Motociclismo de Italia

O Gran Premio de Motociclismo de Italia é unha proba de motociclismo de velocidade que se corre desde o ano 1949 en Italia. Forma parte do calendario do Campionato do Mundo de Motociclismo desde a súa primeira temporada e de xeito ininterrompido.

A primeira carreira correuse no Autodromo Nazionale Monza ata 1979 (agás en 1969, que se correu en Imola). A sé comezou a alternarse entre Monza, Imola, Mugello e Misano ata 1993. Desde o Gran Premio de Italia de 1994, a carreira celébrase en Mugello. Por mor da disputa entre os distintos circuítos italianos, para celebrar o mundial de motociclismo, creouse o Gran Premio de Motociclismo de San Mariño en 1981.