Josep Carreras: Diferenzas entre revisións

'''Josep Carreras''', nado en [[Barcelona]] o [[5 de decembro]] de [[1946]], é un [[tenor]] de orixe [[Cataluña|catalá]], famoso polas súas interpretacións en obras de [[Verdi]] e de [[Puccini]]. Adquiriu nome grazas a súa participación en "[[Os Tres Tenores]]" xunto a [[Luciano Pavarotti]] e [[Plácido Domingo]]. Retirouse o [[7 de maio]] de [[2009]].

== Traxectoria ==

Durante a súa adolescencia, Carreras estudou no '''Conservatorio Superior de Música do Liceo'''. Debutou en [[1970]] en Barcelona como ''Ismael'' en ''Nabucco'' e na ópera ''Norma'', chamando a atención da soprano [[Montserrat Caballé]], que protagonizaba a obra. Caballé invitoulle a cantar na produción ''Lucrezia Borgia'', o primeiro grande éxito de Carreras. Volveu cantar con Caballé no [[1971]] interpretando ''Maria Stuarda'' en [[Londres]]. Os dous cantantes coincidiron en varias obras.

En [[1972]] debutou nos [[Estados Unidos]] no papel de ''Pinkerton'' de ''Madame Butterfly''. En [[1973]] debutou en [[Londres]] e, en [[1974]], en [[Viena]], interpretando ''A Traviata''. Ós 28 anos, Carreras cantara xa 24 óperas distintas. En [[1978]] interpretou ''Don Carlo'' no [[Festival de Salzburgo]], baixo a dirección de [[Karajan]]. En [[1984]] recibiu a [[Medalla de Ouro da Generalitat de Catalunya]]. En [[1987]], cando se atopaba no cume da súa carreira, foille diagnosticada unha [[leucemia]] e os médicos déronlle poucas posibilidades de sobrevivir. Tras duros tratamentos que incluíron radioterapia e quimioterapia e un autotransplante de [[médula]], Carreras puido reanuda-la traxectoria artística. En [[1988]] fundou a [[Fundación Josep Carreras contra a leucemia]], unha organización que apoia economicamente a investigación contra a leucemia e que mantén un banco de donantes de [[medula ósea]]. En [[1991]] foi galardonado co [[Premio Príncipe de Asturias das Artes]]. O [[13 de setembro]] de [[2002]] inaugurou en [[Sant Joan d'Alacant]] unha praza en homenaxe ó labor realizada na loita contra a leucemia. O [[22 de setembro]] de [[2006]] inaugurou en [[Fuenlabrada]] un teatro que leva o seu nome. O [[17 de xuño]] de [[2008]] celebrou un acto no [[Teatre del Liceu]] de Barcelona con motivo dos seus cincuenta anos dende o seu debutamento no mesmo escenario

== Véxase tamén ==

=== Ligazóns externas ===

* [http://www.josepcarreras.com Web de Josep Carreras]

* [http://www.fcarreras.org Web da Fundación Josep Carreras contra a leucemia]

[[th:โคเซ คาร์คาเรราส์]]