Ganso pequeno: Diferenzas entre revisións

== Descrición ==

O ganso pequeno mide entre 53 e 66 cm. e ten unha envergadura de alas de entre 120 e 135 cm. Pesa de 1.4 a 2.2 kg. ë moi semellante en aspecto e hábitos ó [[Ganso de fronte branca]] (''Anser albifrons''), aínda que é máis pequeno e máis escuro. A mancha branca da fronte chega máis arriba cá do ''Anser albifrons'' e acaba entre os ollos. Ademais ten un anel amarelo brillante ó redor de cada ollo que o diferencia da outra especie. Este anel aparece nos exemplares novos xa no primeiro ano de vida, despois da primeira muda, ó redor do mes de novembro. O ganso pequeno é, en comparanza co ganso de fronte branca, menos forte, coas puntas das alas máis longas que tapan parcialmente a cola cando está de pé. A cabeza é máis arredondada cá do [[ganso bravo]] e o bico, máis fino. En voo confúndese facilmente coa ganso de fronte branca, ó que non favorece a preservación da súa poboación, xa escasa.

== Distribución ==

A súa área de distribución, que ía de [[Escandinavia]] ós [[montes Urais]] e as profundidades de [[Siberia]], reduciuse moito nos últimos 25 anos, nos que desapareceu de gran parte dos seus territorios de cría. En [[Escandinavia]] quedan só algunhas ducias de parellas reprodutoras. A caza furtiva nas súas áreas de invernada dos [[Balcáns]] considerase unha das causas máis importantes do seu ocaso, contra o que se están a tomar medidas consistentes en tentar reconducir as rutas de emigración dos gansos mais xoves cara a zonas máis seguras coma a zona de protección de aves da [[illa de Bischlich]] no baixo [[Rin]], mediante o uso de avións ultralixeiros. As soltas de aves realizadas ata agora non deran resultado.

== Etoloxía ==

O ganso pequeno é unha [[ave migratoria]] que viaxa cara ó sur en inverno. Voan durante a viaxe facendo unha formación en xeito de V. O feito de que a miúdo emigran mesturados con outras especies, algunhas non protexidas, fai que as veces sexan cazados indebidamente. As rutas migratorias son ensinadas polos pais ós fillos, non son parte da carga xenética. Realizan tamén, coma outros gansos, migracións a puntos determinados para remuda-las plumas. Forman parellas son moi estables que duran varios anos, aínda que en caso de morte dun dos membros pode establecerse unha parella nova. A cría comeza entre mediados de maio e primeiros de xuño. Poñen de 4 a 6 ovos de casca branca ou amarelada. Os polos, que rompen a casca despois de entre 25 e 28 días de incubación, son coidados polos pais uns 35 ou 40 días. Coma outros gansos os individuos poden identificarse entre eles pola súa voz.

== Alimentación ==

== Status ==

Ata inicios dos anos [[1950]] a poboación da especie era dalgunhas decenas de miles de exemplares. A caída dos seus números provocou que hoxe sexa unha especie moi ameazada. En [[Laponia]] quedan entre 60 e 90 parellas, en [[Hungría]], das 100000 parellas reprodutoras de

antes do ano 1950, quedan só unhas 3.600. É unhas das especies incluídas no ''Acordo para a protección das aves acuáticas migratorias de África e Eurasia'' ([[AEWA]]).

== Literatura ==

* H. Kolbe, Die Entenvögel der Welt, 5. Aufl., Ulmer Eugen Verlag (1999) ISBN 3-8008001-174427442-1

== Ligazóns externas ==

* [http://www.zwerggans.de/ Aktion Zwerggans e. V.] (alemán)

* [http://www.biodiv.de/aktuelles/zwerggans/021205_zwerggans.html As rutas do ganso pequeno] (alemán)

* [http://www.piskulka.net/ Portal do ganso pequeno pola Proxecto fenoescandinavo para o ganso pequeno]