Hadrián VI, papa: Diferenzas entre revisións

Lonxe da avidez, as manobras e a longa espera de anteriores aspirantes ao trono de [[Pedro, papa|San Pedro]] no afán por acadalo, Hadrián mostrouse indiferente ao cargo, non fixo nada por acadalo e, sumerxido como estaba nas intrincadas tarefas da rexencia de [[España]], nin sequera asistiu ao [[cónclave]] no que foi designado. De todos modos, a súa aparente desidia por erixirse na máxima autoridade da igrexa católica estaba plenamente compensada co interese do seu egrexio discípulo, o emperador [[Carlos I de España|Carlos V]], que presionou canto foi necesario para lograr a checada ao solio pontificio do seu antigo preceptor.

 

Era fillo dun ebanista, e foi educado na ''[[devotio moderna]]'', no amor á [[virtude]] e á [[ciencia]]. En [[1479]] ingresou na [[Universidade Católica de Lovaina|Universidade de Lovaina]], onde máis tarde sería profesor de [[Teoloxía]] e reitor.

 

Xa convertido en rei de España, Carlos I agradeceu os servizos prestados polo fiel mentor impulsando o seu ascenso na carreira eclesiástica, primeiro como bispo de [[Tortosa]] en 1516, máis tarde como [[inquisidor]] xeral da [[Coroa de Aragón]] e despois da de [[Castela]], e xa por fin como membro do colexio cardenalicio.

 

Carlos V distinguíuno confiándolle a rexencia de España cando tivo que ausentarse do país en [[1520]] por mor da designación como cabeza do [[Sacro Imperio Romano Xermánico|Sacro Imperio]]. Non foi unha encomenda fácil, pois nese momento os casteláns queixábanse da [[soberbia]] e [[codicia]] dos [[Dinastía de Borgoña|borgoñóns]]. Ausente o rei, orixinouse a [[Guerra das Comunidades de Castela]], que terminou coa [[batalla de Villalar]], e a revolta das [[xermanías]] levantinas. Así, o 31 de outubro de 1520, contando con apoio suficiente inicia as hostilidades.

 

[[Ficheiro:SantaMariaAnima-TombaAdrianoVI01-SteO153.JPG|thumb|right|200px|Tumba de '''Hadrián VI'''.]]

O [[9 de xaneiro]] de 1522 foi elixido Papa, sucedendo a [[León X]]. Nese momento estaba en [[Gasteiz]] exercendo a rexencia de España, preparando [[Nafarroa]] para a defensa fronte á invasión francesa. A noticia chegou á [[Casa do Cordón de Vitoria|Casa do Cordón]], onde se hospedaba, o 22 dese mes. Foi o último Papa non italiano até 1978, en que foi elixido o polaco Karol Wojtyła ([[Xoán Paulo II]]).

As profecías de [[San Malaquías]] refírense a el coma ''Leo Florentius'' (O león de Florencia), cita que fai referencia ao apelido familiar (Florenz), cuxo escudo de armas contén un león.

 

{{referencias}}

 

 

{{commons|Pope Adrian VI}}

 

[[Categoría:Papas]]

[[ja:ハドリアヌス6世 (ローマ教皇)]]

[[jv:Paus Adrianus VI]]

[[ko:교황 하드리아노 6세]]

[[la:Hadrianus VI]]