'''Islamismo''' é o nome que reciben un conxunto heteroxéneo de doutrinas e prácticas [[política]]s que basicamente defenden o [[islam]] non só como [[relixión]] senón como base para rexeren as esferas [[Economía|económica]], [[política]] e [[Sociedade|social]] do [[Estado]]. O islamismo non é, polo tanto, un movemento de carácter relixioso senón político. De aí que a maior parte dos escritos islamistas non traten sobre relixión senón sobre [[ideoloxía]] política.
islamismo religião do islã seguida por islãos
==Características==
O termo ''islamismo'' utilízase con frecuencia, incorrectamente, para nomear ao [[islam]]. Con frecuencia, tamén, asimílase o islamismo ao que, en [[Occidente]] sobre todo, adoita chamarse [[integrismo]] ou [[fundamentalismo]]. Non obstante, aínda que nalgúns puntos coincide con eles, o islamismo é algo conceptualmente distinto. En efecto, ao pretender un retorno ás fontes do islam como base para a organización social, o islamismo confúndese a miúdo cunha especie de tradicionalismo. Porén, choca acotío con este xa que ao facer unha interpretación literal da doutrina obvía usos que non pertencen a esta pero que foron consagrados pola tradición. Así, por exemplo, a doutrina islámica non prohibe a participación das [[Muller|mulleres]] na vida política, pero a [[tradición]] si, e en moitos lugares dáse o caso de que nas organizacións islamitas hai maior número de activistas mulleres que, por exemplo, en organizacións [[Laicismo|laicas]] de [[esquerda]]s.
