Elmet: Diferenzas entre revisións

[[Elmet]] foi un reino celta independente que ocupaba unha ampla área do que máis tarde se converteu na [[West Riding of Yorkshire]] durante a alta [[Idade Media]], entre aproximadamente o [[século V]] e principios do [[século VII]] <ref>http://www.geocities.com/heartland/lane/8771/elmete.html |“Kingdom of Elmete”, por Heartland (24 October 2007) [en inglés]</ref>. Malia seren pouco claras as súas fronteiras, parece que acadaban o [[Río Sheaf]] polo sur e o [[Río Wharfe]] polo leste. Lindaba con [[Deira (reino)|Deira]] polo norte e [[Mercia]] polo sur, e semella que a súa fronteira occidental estaba preto de [[Craven]], que era probabelmente un reino britano menor.

 

 

==Historia==

[[Ficheiro:Yr.Hen.Ogledd.550.650.Koch.jpg|frameless|right|240px]]

 

A existencia de Elmet vén testemuñada por [[Nennio]] na súa ''[[Historia Brittonum]]'', na que escribe que o rei [[Edwin de Northumbria]] ''"occupauit Elmet, et expulit Certic, regem illius regionis"'' ("ocupou Elmet e expulsou a Certic, rei dese país"). A ''[[Historia ecclesiastica gentis Anglorum]]'' de [[Beda]] menciona que Hereric, o pa ide Santa [[Hilda de Whitby]], foi asasinado na corte do rei Ceretic. Suponse que Ceretic/Certic era na mesma persoa, coñecida tamén como [[Ceredig ap Gwallog]]. Con todo, Beda non fala de Elmet como o nome dun reino senón máis ben como o nome dun bosque (de) Elmet, ''silva Elmete''. Menciona unha residencia real <ref>A referencia a unha residencia real é: ''"Reges posteriores fecere sibi villam in regione quae vocatur Loidis"'' "Os reis posteriores fixeron unha casa na rexión á que chaman Loidis"</ref> e a [[batalla de Winwaed|batalla de Winwaed]] na rexión de ''"Loidis"''<ref>[[Nennio]] usa o termo ''"Loid"''.</ref> (quizais a zona ocupada polo actual [[Leeds|distrito metropolitano da Cidade de Leeds]]).

A finais do século VI Elmet comezou a sufrir unha crecente presión polos expansionistas [[heptarquía|reinos anglosaxóns]] de Deira e Mercia. Forzas de Elmet uníronse á desafortunada alianza de [[590]] contra os [[anglos]] de [[Bernicia]] que fixeran frecuentes incursións masivas cara o norte. Pénsase que durante esta guerra o rei Gwallog de Elmet morreu asasinado. A alianza setentrional derrúbase tras a morte de [[Urien Rheged]] e xurdiu un enfrontamento entre dous dos seus principais integrantes. Semella que despois disto e da subsecuente unificación do reino anglo de [[Northumbria]], Elmet se viu obrigado a construír unha serie de diques defensivos ao norte e oeste de [[Barwick-in-Elmet]] nun intento aparente de se faceren cunha liña de defensa extra para a fortaleza do rei – os seus restos pódense ver aínda nesta aldea.

 

 

Despois da conquista de Elmet o reino incorporouse en Northumbria – o día de [[Pascua]] de [[627 ]]<ref>'''[http://search.live.com/results.aspx?q=Upper+Wharfedale&go=&form=QBRE&scope=books#q=Upper%20Wharfedale&start=1&t=D2Y0sYxpKK7bOE9CB8smNQ&sq=Upper%20Wharfedale Upper Wharfedale]''', Harry Speight, 1900, páxina 29</ref> - e os seus habitantes foron coñecidos como os ''Elmetsæte''. Aparecen mencionados no ''[[Tribal Hidage]]'' de finais do século VII como os habitantes dun territorio menor de 600 [[hide (unidade)|hides]]. Son o grupo máis setentrional mencionado no ''Tribal Hidage''. Os elmetsæte probabelmente continuaron a residir en [[West Yorkshire]] como grupo distinto durante todo o período anglosaxón e pode que conspirasen con [[Cadwallon ap Cadfan]] de Gwynedd cando invadiu Northumbria e rexeu brevemente a área en [[633]]. A Vida de [[Cathróe de Metz]] menciona ''Loidam Civitatem'' como a fronteira entre os [[normandos]] de [[Jórvík]] e os [[Cumbria| britóns cumbricos]] de [[reino de Strathclyde|Strathclyde]]: se isto se referir aLeeds, suxire que algúns ou todos os de Elmet puideran ter volvido a poder britón por un breve período na primeira metade do [[século X]]<ref>Anderson, Early Sources, vol. i, p. 441; Downham, Viking Kings, p. 121; Dumville, "St Cathroe of Metz", p. 177</ref> antes da reconquista anglosaxoa, pero non como un estado independente.