Soneto de Monterrei

O Soneto de Monterrei é un poema do século XVI que se acostuma pór como exemplo de literatura galega dos séculos escuros.

Texto

Soneto de Monterrei

Alá en Monterrei en Val de Laça,

a Violante vi beira de un río

tan fermosa, en verdá, que quedei frío

de ver alma inmortal en mortal maça.

De un alto e lindo corpo a seda laça

a pastora sacaba fío a fío,

quando lle dise: - “Morro, corta o fío”

- “Vólveo, non cortarei, seguro pasa”.

- “¿E como pasarei, se eu acá quedo?

Se pasar –respondí- non vou seguro

que este corpo, sen alma, morra cedo”.

- “Coa miña, que levas, te aseguro

que non morras pastor” – “Pastora hei medo;

o quedar me parece máis seguro.

Anónimo, 1530-1540

(atribuído a Luís de Camoes (?)