Club de Remo Mecos: Diferenzas entre revisións

club de remo do Grove
Contido eliminado Contido engadido
Nova páxina: "O '''Club de Remo Mecos''' é un club de remo galego da localidade de O Grove (Pontevedra). Está patrocinado por Augas de Mondariz. =..."
(Sen diferenzas.)

Revisión como estaba o 18 de febreiro de 2010 ás 01:24

O Club de Remo Mecos é un club de remo galego da localidade de O Grove (Pontevedra). Está patrocinado por Augas de Mondariz.

Historia

O Club de Remo Mecos fundouse en 1980, pese a que xa existían regatas dous anos antes. A idea de formalo xorde dun grupo de afeccionados ao remo de distintos barrios do Grove. Á fronte da iniciativa está Moncho Cachopeiro, un dos artífices e fundadores do club.

Nos seus comezos, o equipo tivo que pasar por numerosas dificultades, case todas elas referentes á falla de infraestructuras. Non posuía dun local e algunhas reunións fixéronse baixo unha videa. Con todo, por medio do apoio popular, o Mecos foi medrando e hoxe conta cunhas das mellores instalacións deportivas dos clubes de remo galegos.

Cachopeiro fixo o primeiro batel de madeira construído na Galiza. Traballando no Mecos realiza máis tarde unha traíña, para a cal precisou da experiencia de Euskadi.

A necesidade de reparar as embarcacións tivo moita importancia no conxunto. Dende o principio formouse un taller de carpintería que tamén existe na actualidade. O primeiro delos estaba situado nun primeiro andar, non tiñan outro lugar. Alí dentro traballaban a man; cepillo, serrucho e machete eran as ferramentas para a construcción.

As dificultades económicas fixeron que non tódalas embarcacións se reparan e cada remo que rompe se arranxa. Deste xeito, coa vontade de seguir adiante e a axuda da vila, o Club de Remo Mecos continuou pola historia galega do remo.

A concesión dun terreo gañado á mar concedido por costas e o concello, dou pe a que os socios directivos e remeiros, puxéranse mans á obra e co seu esforzo, sacrificio e botar man aos seus petos aportando o que cada un podía, fóronse construíndo os cimentos do que sería o futuro local social e deportivo. Foi a base para poder gardar o material e comezar os adestramentos guarecidos das inclemencias do tempo.

En 2003 participou na primeira edición da Liga ACT, conseguindo o subcampionato, e nas seguintes edicións ata a de 2007, na que se consumou o seu descenso á Liga Noroeste de Traiñeiras, na que milita dende aquela.`