Composición musical: Diferenzas entre revisións

O concepto de ''composición musical'' varía significativamente dentro dos disintos xéneros, xurdindo así novos ámbitos a ter en conta tales como os [[dereitos de autor]] ou as interpretacións individuais dunha particular peza de música, as reversións. Por exemplo, no desenvolvemento da [[música clásica]], a función de compoñer música nos comezos non tivo a importancia que tiña a execución. Conservar as composicións individuais recibiu pouca atención, e os músicos xeralmente non tiñan reparos en [[modificar]] as súas obras para a execución. Co tempo, non obstante, a notación escrita do compositor chegou a dar instrucións moi estritas, que os executantes non deberían abandonar sen unha boa razón. Este [[criterio]], por outra banda, podía cualificarse nalgúns casos como ''purista''. Por iso, o papel do compositor foi facéndose cada vez máis importante, unido xeralmente ao seu prestixio como [[intérprete]]: no [[clasicismo]] foi adquirindo unha crecente importancia. Co [[romanticismo]], o compositor tornou unha personaxe case mítica -case un [[gurú]]-; velaí o exemplo de [[Beethoven|Ludwig van Beethoven]]. O termo ''compositor'' está asi mesmo referido especificamente ao compositor na tradición occidental da música clásica, como tamén na música de [[cinema]], de [[videoxogo]]s e case calquera outra.