Islamismo: Diferenzas entre revisións

▲O termo ''islamismo'' utilízase con frecuencia, incorrectamente, para nomear ao [[islam]]. Con frecuencia, tamén, asimílase o islamismo ao que, en [[Occidente]] sobre todo, adoita chamarse [[integrismo]] ou [[fundamentalismo]]. Non obstante, aínda que nalgúns puntos coincide con eles, o islamismo é algo conceptualmente distinto. En efecto, ao pretender un retorno ás fontes do islam como base para a organización social, o islamismo confúndese a miúdo cunha especie de tradicionalismo. Sen embargo, choca a miúdo con este xa que ao facer unha interpretación literal da doutrina obvia usos que non pertencen a esta pero que foron consagrados pola tradición. Así, por exemplo, a doutrina islámica non prohibe a participación das [[Muller|mulleres]] na vida política, pero a [[tradición]] si, e en moitos lugares dáse o caso de que nas organizacións islamitas hai maior número de activistas mulleres que, por exemplo, en organizacións [[Laicismo|laicas]] de [[esquerda]]s.

▲O islamismo é moi diverso e dificilmente pode ser asimilado a ningún movemento relixioso ou político occidental. Ten a súa orixe na organización [[Irmáns Musulmás]] fundada en [[Exipto]] en [[1928]], e experimentou un auxe crecente desde os [[anos oitenta]]. Iso é froito, por unha parte, do fracaso do modelo [[Socialismo|socialista]] do [[nacionalismo]] árabe, encarnado polo partido [[Baaz]] ou polo [[Nasser|naserismo]], que durante moitos anos encarnou as aspiracións de transformación social no mundo árabe; e por outra, do triunfo da revolución islámica en [[Irán]], que marcou un modelo a seguir.