Henrique IV de Inglaterra

Henrique IV de Inglaterra, nado o 3 de abril de 1367 e falecido o 20 de marzo de 1413 foi rei de Inglaterra entre 1399 e 1413, o primeiro da dinastía de Lancaster. Henrique era fillo de Xoán de Gante, duque de Lancaster, e neto do rei Eduardo III de Inglaterra. Naceu no castelo de Bolingbroke no Lincolnshire e, segundo o costume da época, pasou a ser coñecido como Henrique Bolingbroke.

A pesar de apoiar o primo Ricardo II de Inglaterra no inicio do reinado deste, axiña os dous homes entraron en conflito. Henrique acabou mesmo expulsado do país e desherdado en 1398. No ano seguinte, o seu pai morre na Aquitania e Ricardo II confisca os seus bens para a coroa. Pero o monarca non era popular nin considerado competente e Henrique valeuse diso para iniciar unha guerra aberta o 30 de setembro de 1399. O golpe é exitoso e Henrique é coroado rei de Inglaterra o 13 de outubro, na Abadía de Westminster, iniciando a dinastía de Lancaster. Ricardo II foi deposto e asasinado por precaución no ano seguinte.

En 1380, Henrique casou con María de Bohun, de quen tivo varios fillos e fillas. Xa rei, Henrique desposou a princesa Xoana de Navarra, filla do rei Carlos II, con quen non tivo descendencia.

O reinado de Henrique foi marcado por varias insurrecións populares, nomeadamente no País de Gales e en Inglaterra. O fracaso destas rebelións debeuse en parte á habilidade militar do seu herdeiro, o futuro Henrique V.

O fin da vida de Henrique IV foi marcado por problemas graves de saúde debidos a unha enfermidade de pel, posiblemente psoriase ou un síntoma de sífilis. Henrique morreu en 1413 e atópase sepultado na catedral de Canterbury.

A súa vida atópase retrato en Henrique IV, unha peza en dúas partes de William Shakespeare.

Descendencia

• De Maria de Bohun:
  • Eduardo (1382)
  • Henrique V, rei de Inglaterra (1387-1422)
  • Tomás, Duque de Clarence (1388-1421), morreu en batalla
  • João, Duque de Bedford (1389-1435)
  • Humphrey, Duque de Gloucester (1390-1447)
  • Branca (1392-1409), casou con Luís III, Eleitor Palatino
  • Filipa (1394-1430), casou co rei Érico I de Dinamarca, Suécia e Noruega