Música impresionista: Diferenzas entre revisións

O '''Impresionismo musical''' é un movemento musical xurdido a finais do [[século XIX]] e comezos do [[século XX|XX]] sobre todo na música [[Francia|francesa]], coa necesidade dos compositores de probar novas combinacións de instrumentos para conseguir unha maior riqueza tímbrica. No Impresionismo musical dáse moita importancia aos [[timbre]]s, cos que se conseguen diferentes efectos. Tamén se caracteriza porque os tempos non son liñais senón que se executan en sucesión de impresións. Relaciónase deste xeito co [[Impresionismo]] pictórico, que conseguía as imaxes mediante pequenas pinceladas de cor. Dous dos principais compositores deste movemento son [[Claude Debussy]] e [[Maurice Ravel]].

 

 

O impresionismo musical foi encabezado polo compositor francés Claude Debussy. O movemento, influído polos pintores impresionistas franceses e pola poesía de [[Paul Verlaine]], [[Charles Baudelaire]] e [[Stéphane Mallarmé]], acentúa a cor tímbrica e o humor no canto de estruturas formais como a [[sonata]] e a [[sinfonía]]. Debussy, que tamén era crítico musical, enfocou o impresionismo como reacción tanto ao interese formal do [[Música do clasicismo|clasicismo]] de compositores como [[Wolfgang Amadeus Mozart]] ou [[Ludwig van Beethoven]] e a vehemencia emocional do [[Música do Romanticismo|romanticismo]] en compositores como [[Robert Schumann]] e [[Franz Schubert]]. Para a consecución deste fin Debussy combinou elementos innovadores e tradicionais. Por unha banda, utilizou a [[escala musical|escala]] de tons enteiros e intervalos complexos que ata ese momento non se empregaran, dende a novena en diante. Tamén recorreu aos intervalos de cuartas e quinta paralelas propios da [[música medieval]]. Estes recursos técnicos aparecen no cedo [[poema sinfónico]] ''[[Claude Debussy#Preludio á sesta dun fauno|Preludio á sesta dun fauno]]'' (no orixinal: ''Prélude à l'après-midi d'un faune'') de [[1894]], baseado nun poema de Mallarmé. A extensa obra pianística de Debussy requeriu novas técnicas interpretativas, que incluían un xeneroso pero sensible uso dos pedais para crear un torrente indiferenciado de son.

Ao comezo da [[I Guerra Mundial]] en [[1914]] o gran refinamiento, así como as limitacións técnicas do impresionismo musical, provocaron críticas adversas de compositores e críticos. Un novo grupo de compositores franceses antirrománticos, [[Les Six]] (''Os Seis''), influídos por [[Erik Satie]], satirizaron e rexeitaron o que consideraban excesos desta corrente. O impresionismo, concibido por Debussy, como tendencia contraria ao romanticismo, foi visto como a fase final da música romántica.

 

 

Influído pola personalidade de Debussy e íntimamente vencellado ao [[modernismo]], o impresionismo musical estendeuse por Europa cara á [[1920|Anos 1920|segunda década]] do [[século XX]]. Algúns compositores europeos víronse influenciados polo impresionismo, como [[Frederick Delius]] e [[Cyril Scott]] no [[Reino Unido]], [[Ottorino Respighi]] en [[Italia]] e [[Manuel de Falla]] (Falla viviu en [[París]] de 1909 a 1914) e [[Federico Mompou]] en [[España]], que seguiron certos trazos do estilo de Debussy.

 

[[Ficheiro:Claude Debussy ca 1908, foto av Félix Nadar.jpg|thumb|250 px|Claude Debussy, principal exponente do impresionismo musical]]

 

 

[[Categoría:Impresionismo]]

[[nl:Impressionisme (muziek)]]

[[pl:Impresjonizm (styl muzyczny)]]

[[ru:Импрессионизм (музыка)]]

[[sl:Glasbeni impresionizem]]