Escurecemento global: Diferenzas entre revisións

O '''escurecemento global''' (''global dimming'' en inglés) é un fenómeno consistente na redución gradual da cantidade de [[luz solar]] observada que acada a superficie terrestre desde a década de 1950. O efecto varía coa localización, pero globalmente é da orde dun 5% de redución en tres décadas (1960-1990); porén, a tendencia reverteuse durante a pasada década. O escurecemento global crea un efecto de arrefriamento que puido levar ós científicos a subestimar os efectos dos [[gas de efecto invernadoiro|gases de efecto invernadoiro]] no [[quentamento global]].

 

{{AP|Contaminación atmosférica}}

{{AP|Balance radiativo terrestre}}

As nubes interceptan tanto a calor do [[Sol]] como a que é radiada pola Terra. Os seus efectos son complexos e varían segundo o momento, a localización e a altitude. Habitualmente, durante o día predomina a intercepción da luz solar, producindo un efecto de arrefriamento, así a todo, pola noite a reemisión da calor radiada pola Terra ralentiza a perda de calor do planeta retendo unha boa parte desta na baixa [[troposfera]].

 

O Escurecemento global foi dado a coñecer por [[Atsumu Ohmura]] en [[1989]]; e foi inequivocamente comunicado por Stanhill e Moreshet en [[1992]].

 

Véxase que o efecto (2-3%, coma antes) é debido a cambios dentro da [[atmosfera terrestre]]; o valor da radiación solar no límite superior da atmosfera non cambiou en máis ca unha fracción desta cantidade. O efecto en realidade é dun arrefriamento nas capas baixas e un quentamento nas altas. Algo lóxico se se ten en conta que se as nubes reflicten máis radiación esta será máis absorbida polas capas altas caldeándoas máis mentres que ó chan lle chegará menos radiación. O efecto invernadoiro, en cambio, actúa á inversa. Devolve a radiación térmica terrestre ó chan e impide que esta poida quentar as capas altas polo que estas se arrefrían mentres que a superficie se quenta. En calquera caso o balance total de radiación devolta polo planeta débese manter constante.

 

O efecto do escurecemento presenta grandes variacións ó longo do planeta, pero as estimacións do valor medio global son:

 

As maiores reducións danse nas [[latitude]]s medias do [[hemisferio norte]].

Algúns climatólogos propuxeron tamén a teoría de que as [[estela]]s de condensación das aeronaves están implicadas no escurecemento global, pero o fluxo constante de tráfico aéreo impedía que se puidesen efectuar probas. A restrición practicamente total do tráfico aéreo civil durante os tres días que seguiron ós [[ataques do 11 de setembro de 2001]] proporcionaron unha extraordinaria oportunidade para observar o clima dos [[Estados Unidos]] sen a presenza do efecto das estelas de condensación. Durante este período observouse un incremento na oscilación térmica diaria de máis de 1̊C, é dicir, as estelas das aeronaves contribúen a diminuír as temperaturas diurnas e a elevar as nocturnas en moito máis do que previamente se cría. O efecto neto que ten isto sobre a temperatura na Terra está aínda en discusión e non resulta tan doado de calcular posto que só se dispón de tres días de datos nesas peculiares condicións.

 

En [[2005]] Wild et al. e Pinker et al. acharon que a tendencia ó "escurecemento" revertera desde [[1990]] [http://www.realclimate.org/index.php?p=154]. É probable que polo menos parte deste cambio, particularmente sobre [[Europa]], sexa debido á adopción de medidas contra a polución tanto en automóbiles como en fábricas.

 

A Rede de Radiación Superficial de Referencia "Baseline Surface Radiation Network" (BSRN) estivo recollendo medidas superficiais. A BSRN non comezou a operar ata principios dos [[anos 1990]] e actualizaron os seus arquivos. As análises de datos actuais revelan que a superficie do planeta aumentou o seu brillo nun 4% a pasada década. A tendencia a aumentar o [[albedo]] foi corroborada por outros datos, incluídas análises por satélite.

 

 

 

Unha hipótese adicional sería a de que un aumento da temperatura podería provocar un escape rápido e irreversible dos enormes depósitos de [[hidrato de metano|hidratos de metano]] que actualmente se encontran atrapados baixo o piso oceánico, liberando gas [[metano]], un dos máis poderosos [[gas de efecto invernadoiro|gases de efecto invernadoiro]]. Un mecanismo similar sería o proposto para unha das teorías que explicarían os sucesos que conduciron ás [[extincións do Pérmico-Triásico]] aproximadamente fai 252 millóns de anos e as extincións asociadas co [[Máximo Térmico do Paleoceno-Eoceno]] en torno ós 55 millóns de anos atrás. Estímase que ó planeta lle custaría tanto como 100.000 anos recuperar o "estado normal" tras un máximo térmico.

 

{{referencias}}

 

 

* BBC ''[[Horizon]]'' TV broadcast of January 13, [[2005]] [http://www.bbc.co.uk/sn/tvradio/programmes/horizon/dimming_prog_summary.shtml BBC Horizon]

 

* RealClimate sobre este tema: [http://www.realclimate.org/index.php?p=105 part 1], [http://www.realclimate.org/index.php?p=110 part 2], [http://www.realclimate.org/index.php?p=154 Global Dimming may have a brighter future]

 

[[Categoría:Climatoloxía]]

[[ro:Întunecarea globală]]

[[ru:Глобальное затемнение]]

[[sv:Global fördunkling]]

[[zh:全球黯化]]