Andrei Platonov: Diferenzas entre revisións

'''Andrei Platonovich Platonov''' (Андрей Платонович Платонов) ([[1 de setembro]] de [[1899]] — [[5 de xaneiro]] de [[1951]]) , escritor ruso da época soviética. Platonov foi un dos primeiros escritores que emerxeron despois da [[Revolución Rusa]] de [[1917]]. Ben que comunista, os seus traballos foron prohibidos pola súa posición escéptica perante a [[colectivización]]. A súa obra máis coñecida e a novela antiutópica [[Chevengur]].

== Vida ==

Fillo dun traballador metalúrxico empregado dos ferrocarrís rusos, foi o máis vello de 10 irmáns. Naceu nunha aldea preto da cidade de [[Vóronezh]].Estudiou na escola parroquial e a partir dos trece anos empezou a traballar en diversos oficios para manter á familia. Serviu no [[Exército Vermello]] durante a [[Guerra Civil Rusa]] como correspondente de guerra.En [[1919]] empezou a colaborar como poeta, publicista e crítico literario en varios xornais. Nos anos 1920 trocou o seu apelido orixinal Klimentov polo de Platonov, pseudónimo baseado no nome do pai do escritor. En 1924 acabou a escola politécnica e comezou a traballar como inxenieiro electrotécnico en diversos proxectos na [[Rusia]] central, onde foi testemuña dos excesos e os levantamentos campesiños causados pola colectivización forzada.En 1927 marchou a [[Moscova]] coa idea de se dedicar exclusivamente á literatura. Foi membro, aínda que periférico, do grupo [[Pereval]] de escritores campesiños.

Escribiu as súas obras máis importantes, as novelas 'Chevengur' e 'O foxo' entre 1926 and 1930, coincidindo cos últimos anos da [[Nova Política Económica]] e o inicio do primeiro [[Plan Quinquenal]] en 1928. Estas obras, que supoñían una crítica implícita ó sistema desencadearon as criticas dos órganos oficiais, e ,aínda que un capítulo de 'Chevengur' apareceu nunha revista, as obras nunca se publicaron. En 1931 despois da publicación da crónica da vida dos campesiños pobres "Vprok", que recibiu as críticas de [[Fadeyev]] e [[Stalin]] a publicación dos seus traballos foi prohibida, coa exclusión do relato 'O río Potudan' publicada en 1937.

O seu fillo de 15 anos foi arrestado e enviado a un campo de concentración durante a Gran [[Purga]] estalinista dos anos 30. Liberado, pero enfermo de tuberculose o fillo volveu á casa e durante a convalecencia contaxiou a enfermidade ó escritor . Ó comezo da [[Segunda Guerra Mundial]] foille permitido publicar por un permiso especial de [[Stalin]]. Foi correspondente de guerra de 1942 a 1945 e seguiu escribindo no periódico 'Estrela Vermella' ata 1946.

A finais de 1946 imprimiuse o seu conto 'O regreso' (Vozvrashchenye) polo que foi novamente censurado e acusado de calumnia. Como consecuencia, a posibilidade de seguir publicando desapareceu por completo. A finais dos anos 40, imposibilitado de seguir gañando a vida como narrador, dedicouse a preparar contos rusos e bashkirios para ser imprimidos en revistas para nenos.

Aínda que relativamente descoñecido no seu tempo, a influencia de Platonov na literatura rusa e considerable. Algúns dos seus traballos foron publicados ou reimpresos nos anos 60 na época do [[Desxeo]] de [[Khrushchev]].

== Estilo ==

== Obras ==

*Makar o dubitativo ''(Usomnivshiysya Makar)'' (1929)

*Vprok ''(1931)''