Franz Bopp: Diferenzas entre revisións

[[ImageFicheiro:Franz_Bopp.jpg|right|thump|200px|Franz Bopp|thumb|Franz Bopp]]

Foi Franz Bopp quen, polos seus traballos sobre o [[linguas indoeuropeas|indoeuropeo]], xustificou a [[lingüística comparada]] e quen fundou, por medio do ensino e polas súas publicacións, unha nova disciplina científica: a ''[[gramática comparada]]''. Franz Bopp ademais probou a pertenza das [[linguas célticas]] ao [[indoeuropeo]]. Houbo que agardar aos primeiros anos do [[século XIX]] para que alemáns como Franz Bopp ou os irmáns [[Jacob Grimm|Jacob]] e [[Wilhelm Grimm]], e paralelamente, unha figura máis illada e menos coñecida, o danés [[Rasmus Rask]], abordasen un dominio até entón case inexplorado, que aproveitan o datos que oferecen ao observador atento as semellanzas entre as linguas denominadas clásicas ([[lingua grega|grego]], [[latín]]), as [[linguas xermánicas]], as [[linguas eslavas]], [[lingua persa|o persa]] e, sobre todo, o idioma antigo da India, [[sánscrito|o sánscrito]], cuxo coñecemento agora se difunde. A este conxunto, engádenselle, progresivamente, as [[linguas célticas]], as [[linguas bálticas]], o [[lingua armenia|armenio]] e o [[lingua albanesa|albanés]], e logo, son coñecidas, xa no [[século XX]], o [[lingua hitita|hitita]] e o [[lingua tocaria|tocario]].

Bopp foi autor dunha obra titánica, plena dun saber que pasma á maioría da xente común: a súa "Gramática comparada das [[linguas indoeuropeas]] que comprende o sánscrito, o zendo, o armenio, o grego, o latín, o lituano, o antigo eslavo, o gótico e o alemán" ([[1833]]-[[1849]]).