Suger de Saint-Denis: Diferenzas entre revisións

== Biografía ==

Membro dunha familia de [[Servidume|servos]], tivo o privilexio durante a súa infancia de acompañar o rei [[Luís VI de Francia|Luís VI]] nunha súa visita á [[basílica de Saint-Denis|abadía de Saint-Denis]], na que ingresou cando tiña arredor de dez anos de idade. Logo de estudar no presbiterio de Estrées entre [[1094]] e [[1104]], para facerse monxe, voltou para a abadía de Saint-Denis, da que se convertiría abade de [[1122]] até [[1151]].

Gozando da total confianza de Luís VI, xogou un importante papel xunto el, próximo ao que hoxe denominaríamos un primeiro ministro: encarregado de misións diplomáticas no estranxeiro; conselleiro, nomeadamente para asuntos militares; foi el quen levou a [[Luís VII de Francia|Luís VII]], fillo do rei e logo rei, xunto súa futura esposa, [[Eleonor de Aquitania]], en [[1137]].

Suger converteuse en rexente da [[Francia]], entre [[1147]] e [[1149]] cando [[Luís VII de Francia|Luís VII]] partiu para a [[segunda cruzada]]. A súa volta, o rei proclamouno "Pai da Patria". Mais cando Luís VII suxire a idea de facer anular o seu matrimonio con Eleonor, Suger comprende o perigo e as consecuencias dun acto tal, tentando entón disuadir ao monarca. Só despois da morte de Suger, Luís VII leva a cabo a súa idea.

== Pensamento político ==

Suger actúa para reforzar la autoridade do [[rei]] francés, axudando ao monarca a conceder [[dereito]]s aos [[Burguesía|burgueses]]. O [[Capeto]] debe combater constantemente os señores rebeldes non interior do seu dominio, e malamente fai recoñecer o seu poder directo, a pesar dos seus [[feudo]]s. Suger coloca teoricamente o rei na cimeira da pirámide [[Vasalaxe|vasalática]]. Ten xa unha "certa idea da nación", xa que escribe: «''Non é nin xusto, nin natural que a Inglaterra estea submetida aos franceses ou que a Francia o estea aos ingleses''». Figura tamén entre os fundadores das ''grandes crónicas de Francia'', que constitúen a historia oficial da monarquía, pois redactou o primeiro volume consagrado a [[Luís VI de Francia|Luís VI]].

== Constructor da basílica gótica ==

Abade de [[Saint-Denis (Seine-Saint-Denis)|Saint-Denis]], Suger reempraza a antiga igrexa en ruínas, construída por [[Dagoberto]] cinco séculos atrás, pola actual [[basílica de Saint Denis|basílica]], que se beneficia dunha época de innovacións técnicas na construción, sendo o punto de partida do que, moito máis tarde, se denominará estilo [[Arquitectura gótica|gótico]]. Este [[templo]] permanece como un dos [[símbolo]]s da monarquía francesa, á par que foi o moimento sepulcral secular dos reis de Franza.

== Bibliografía ==

== Véxase tamén ==

[[sl:Opat Suger]]