[[Ficheiro:LakeVostok-Location.jpg|300px|right|thumb|Localización do Lago Vostok.]]
O '''Lagolago Vostok''' é unha masa de auga subglacial localizada na [[Antártida]], por baixo da Estación Vostok, un centro de investigación dirixido por [[Rusia]]. Este [[lago]] permaneceu descoñecido durante moito tempo, grazas ó seu peculiar encadramento xeográfico e permanece como unha das últimas zonas por explorar do planeta [[Terra (planeta)|Terra]]. Só en [[1996]] se descubriu a súa verdadeira extensión. O lago Vostok ten unha forma elíptica con 250 km de longo e 40 km de larguraancho cubrindo unha área de 14,.000 km<sup>2<sup>². O seu fondo é irregular e dividese en dúas bacias, a máis profunda con cerca de 800 m e a outra con 200 m. Calcúlase que o lago conteña un volume de 5,.400 km<sup>3</sup>³ de auga doce. Está totalmente protexido da [[atmosfera terrestre|atmosfera]] e outros contactos co exterior por unha espesura de 4 km de xeo antártico.
O [[tempo de residencia]] da auga no Lago Vostok é de cerca de 1 millón de anos (no [[Lagolago Ontario]] (de dimensións semellantes) este valor é de seis anos). Este feito leva a que o ambiente químico do lago sexa extremadamente oxidante, con concentracións de [[Osíxeno molecular|osíxeno]] 50 veces superiores a lagos normais. O xeo que se encontra na zona superior crese que deriva da conxelación da auga do propio lago. Esta característica fai desta zona unha potencial zona de mostraxe. A espesura de xeo aumenta de Sur para Norte, de acordo co fluxo do xeo no sentido do [[Océano Índico]].
A orixe do lago Vostok é, segundo a opinión da maioría dos científicos, a dun lago normal que foi cuberto por xeo, a medida que se desenvolveron os glaciares da Antártida. Isto debeu ter ocorrido fai 30 millóns de anos e terminou fai 15 millóns de anos. Desde entón o lago e súas eventuais formas de vida encóntranse illados, un dos motivos polos que ten interese científico.
