Pergamiño: Diferenzas entre revisións

'''Pergamiño''' ou '''pergameo''' (do grego ''pergaméne'' e do latín ''pergamina'' ou ''pergamena'') é o nome dado a unha [[pel]] de [[animal]], xeralmente de [[cabra]], [[carneiro]], [[cordeiro]] ou [[ovella]], preparada para [[escrita|escribir]] nela. Designa tamén o documento escrito nesa pel. Foi largamente utilizado na [[antigüidade]] ocidental, en especial na [[Idade Media]], até a difusión do [[papel]], invención [[China|chinesa]].

 

 

== Proceso de fabricación==

A pel da res ([[ovella]], xato ou [[cabra]]) somérxese nunha solución de cal para poder raspala e quitar a [[la]] adecuadamente. A continuación ráspase até que quede igualada por ambas as caras. Finalmente, e coa axuda de pos de [[pedra pómez]], desgástase até que queda lista para o seu uso. Cando a pel se extrae dun animal vello, o resultado é un pergamiño de boa calidade pero máis basto. En cambio, se o animal é novo, obtense un pergamiño moito más fino chamado vitela. O pergamiño máis basto acostúmase utilizar para facer [[tambor]]es, [[pandeireta]]s e similares.

 

 

== Utilización do pergamiño==

Os pergamiños máis antigos proceden de [[Exipto Antigo|Exipto]] e teñen 4.000 anos. Sábese que se utilizaba en [[Babilonia e Fenidia]]. Os [[xudeu]]s debían utilizalo para copiar a [[Lei xudaica|Lei]]. [[Heródoto]] afirma que o seu uso en [[Grecia Antiga|Grecia]] foi substituído polo [[papiro]] e en [[Roma Antiga|Roma]] hai moitas referencias á súa utilización.