Comités Abertos de Faculdade: Diferenzas entre revisións

Durante a efervescencia das loitas na [[Universidade de Santiago]] nos primeiros anos oitenta do [[século XX]], foron surxindo unha serie de Asembleas de Centro que confluirían arredor do ano [[1986|86]] nos Comités Abertos (embora algunha, como [[CAMAE]], seguira a ser semi-autónoma). Ainda que teoricamente abranxía toda a universidade, na práctica era unha organización compostelá con algún comité nos outros [[cámpus universitario|cámpus]], e só foi a partir da segregación das universidades de [[Universidade da Coruña|A Coruña]] e [[Universidade de Vigo|Vigo]] que comezou a ser unha organización de caráter galego e ter presenza nos sete cámpus. Nas orixes funcionaba a nível de [[Asemblea de Faculdade]] e cun órgao de coordenación (Consello de Cámpus) formado por dúas persoas de cada centro. Despois da ampliación comezou a funcionar un Consello Nacional que realmente dirixe unha actividade política, ainda que a dinámica institucional fai que sexan os tres Consellos de Universidade os que realmente dirixan o día a día da organización. Na súa composición, tradicionalmente os CAF incorporaban á práctica totalidade das organizacións de esquerda que operaban na universidade ([[BNG]],[[PSG-EG]],[[MCG]],[[PCPG]]..), ainda que coa integración da maioría destes grupos no BNG pasou a estar formada por militantes de [[Galiza Nova]] e persoas sen afiliación política.