Escolas de Ensino Galego Semente
As Escolas de Ensino Galego Semente son unha rede de escolas de Galiza que teñen o galego como lingua vehicular.[1]
| Escolas de Ensino Galego Semente | |
|---|---|
 | |
| Tipo | escola |
| Propósito | normalización lingüística |
| Data de fundación | novembro de 2011 |
| Fundador(es) | A Gentalha do Pichel |
| Nomeado en referencia a | Escolas de Insiño Galego |
| En | Santiago de Compostela, Trasancos, Vigo, Lugo, A Coruña e Ourense |
| País | Galicia |
| Na rede | |
| https://semente.gal | |
  | |
| [ editar datos en Wikidata ] | |
Historia editar
As escolas Semente son unha iniciativa social sen ánimo de lucro, impulsadas inicialmente pola Asociación Cultural Gentalha do Pichel. Apareceron como un xeito de defender os dereitos lingüísticos dos nenos galegofalantes, nun momento no que a Xunta de Galicia, a través do decreto 79/2010, reducía a presenza do galego na escola e prohibía o seu emprego nas materias científicas.[2]
As escolas toman o seu nome das Escolas de Insiño Galego criadas a comezo do século XX polas Irmandades da Fala.[3]
O proxecto, que comezou en Compostela no 2011 con tres nenos e dous profesores,[4] contaba no ano 2022 con escolas infantís na Coruña, Lugo, Vigo e Ourense, e de educación infantil e primaria en Santiago de Compostela e Trasancos.
En recoñecemento ao seu labor en prol do idioma galego, a Coordinadora de Traballadores/as de Normalización da Lingua concedeulle no 2020 o premio Mil Primaveras.[5]
Notas editar
- ↑ Miguel Pardo (6 de novembro de 2018). "Iniciativas sociais polo ensino en galego estenden a 'semente' da inmersión lingüística". Praza Pública.
- ↑ "Dez anos do primeiro recorte á protección legal do galego na historia da autonomía". Praza Pública. 2019-12-30. Consultado o 2022-07-18.
- ↑ "O projeto". sementecompostela.com. Arquivado dende o orixinal o 01 de xullo de 2022. Consultado o 2022-05-12.
- ↑ Semente Compostela (15/04/2020). Projeto Moas: Primeiro passo! (Youtube).
- ↑ "Projeto Educativo Semente". Premios Mil Primaveras. Consultado o 18/07/2022.