En Comú Podem

(Redirección desde «En Comú Podem-Guanyem el Canvi»)

En Comú Podem-Guanyem el Canvi (as súas siglas son ECP) (en galego, En Común Podemos-Ganemos o Cambio) é unha coalición electoral de esquerdas formada pola sección de Podemos en Cataluña, Iniciativa per Catalunya Verds, Esquerra Unida i Alternativa, Equo e Barcelona en Comú xurdida en outubro de 2015 co obxectivo de presentarse ás eleccións xerais dese ano nas catro circunscricións electorais de Cataluña. O cabeza de lista por Barcelona foi o historiador Xavier Domènech.[1]

En Comú Podem
Dirixentes e organización
LíderXavier Domènech
Historia
Fundaciónoutubro de 2015
Posicións políticas
IdeoloxíaXustiza social, dereito a decidir, ecoloxismo, catalanismo
Representación
Congreso dos Deputados
12 / 350
Senado de España
4 / 208
Outros datos
Na rede
encomupodem.cat
Facebook: EnComuPodem Twitter: EnComu_Podem Instagram: encomupodem Telegram: encomupodem Editar o valor em Wikidata
Ada Colau, líder de Barcelona en Comú, e Xavier Domènech, cabeza de lista de En Comú Podem por Barcelona.
Imaxe utilizada na papeleta electoral para as eleccións xerais de 2015.

En Comú Podem expuxo establecer unha relación de igual a igual con Podemos polo que tivo como obxectivo ter grupo parlamentario propio e apostar por articular conxuntamente coa formación de Pablo Iglesias os «puntos en común». A formación non descarta entenderse con sectores de ERC, PSC e busca a forma de achegarse á CUP.[2]

Nas eleccións xerais de 2015 presentouse como En Comú Podem e nas eleccións xerais de 2016 presentouse baixo o nome En Comú Podem-Guanyem el Canvi.[3]

Resultados electorais editar

Nas eleccións xerais de España de 2015 colocouse como primeira forza en Cataluña, con 12 escanos e 927.940 votos (24,74%), sacando case 10 puntos á segunda forza. Por provincias gañou as eleccións en Barcelona (26,91%, nove escanos) e en Tarragona (20,65%, un escano), e foi terceira forza en Xirona (16,26%, un escano) e en Lleida (15,34%, un escano).[4]

Dos 12 deputados obtidos pola coalición, tres corresponden a ICV, dous a Podemos, dous a EUiA, dous a Barcelona en Comú, dous a Procés Constituent, membros á súa vez de Barcelona en Comú e un é independente, sen adscrición máis aló de En Comú Podem. Igualmente, dos catro senadores electos, dous son membros de Podemos, un de ICV e un independente.

Notas editar

  1. "La coalición impulsada por Colau para el 20-D se llamará 'En Comú Podem'". El Periódico de Cataluña. 29 de outubro de 2015. Consultado o 29 de outubro de 2015. 
  2. "Barcelona en Comú aprueba ir a las generales junto a Podem, ICV y EUiA". Público. 28 de outubro de 2015. Consultado o 29 de outubro de 2015. 
  3. "Registradas 12 coaliciones ante la Junta Electoral Central para el 26J". La Razón. 14 de maio de 2016. Consultado o 14 de maio de 2016. 
  4. "Resultados electorales". El País. Consultado o 20 de decembro de 2015. 

Véxase tamén editar

Outros artigos editar