Empédocles
Empédocles, nado en Agrigento arredor de 483 a.C. e finado no Peloponeso arredor de 430 a.C., foi un filósofo presocrático, médico, lexislador, profesor e místico alén de profeta Defendeu a democracia e sustentou a idea de que o mundo está constituído por catro principios: auga, ar, lume e terra.
| Empédocles | |
|---|---|
 | |
| Nacemento | c. 490 a. C. e c. 494 a. C. |
| Lugar de nacemento | Agrigento |
| Falecemento | c. 430 a. C. e c. 444 a. C. |
| Lugar de falecemento | Monte Etna e Peloponeso |
| Causa | caída |
| Nacionalidade | Agrigento |
| Ocupación | médico, filósofo, escritor, poeta, político e orador |
| Coñecido por | Purifications e quatro elementos |
| [ editar datos en Wikidata ] | |
Todo sería unha determinada mestura deses catro elementos, en maior ou menor grao, e serían o que de inmutábel e indestrutíbel existiría no mundo. Regulando todo isto está a continua loita de dúas forzas: Amor e Odio.
TraxectoriaEditar
Non se coñecen as datas exactas do seu nacemento e da súa morte. É probable que nacese arredor do 490 a.C. e falecese cara ao 430 a.C., aproximadamente aos sesenta anos. Empédocles proviña dunha familia brillante e acomodada, polo que recibiu unha educación acorde a iso. O seu pai foi Metón, que interveu no derrocamento do tirano Trasideo, fillo de Terón no ano 470 a.C. O seu avó, tamén chamado Empédocles, foi criador de cabalos segundo conta Dióxenes Laercio e venceu nas carreiras de cabalos de Olimpia durante a LXXI Olimpíada.
Durante a infancia do filósofo, Agrigento, a súa cidade natal, gozaba do seu máximo poder e sona baixo o goberno do tirano Terón (488-472), quen foi recoñecido por ser un gobernante interesado polas artes e a relixión, encarnando así as preocupacións do pobo, que conformaron o medio espiritual do que se nutriu Empédocles. Logo da morte de Terón, a tiranía pasou a mans do seu fillo Trasideo. Posteriormente esta foi derrocada e estableceuse unha democracia en Agrigento. Nesta transformación política, o filósofo tivo parte importante, e a súa defensa da democracia instaurada levouno a disolver unha organización oligárquica coñecida como asemblea dos mil.[1] Ademais persuadiu os habitantes de Agrigento de abandonar as loitas entre partidos e cultivar a igualdade política e rexeitou calquera cargo que lle quixeron outorgar.[2] Polos seus ideais democráticos e quizais pola súa extravagancia e os seus métodos, Empédocles fíxose moitos inimigos, que nunha das súas ausencias de Agrigento conspiraron contra el e impediron o seu regreso.
Foi orador e médico excelente, quizais foi fundador da escola siciliana de medicina, aínda que outros atribúen este título ao seu amigo Acrón.[3] Diversos autores falan do seu talento á hora de curar doenzas, así como dan fe de fazañas incribles, como Heráclides, que conta que chegou ao punto de resucitar unha muller que levaba trinta días sen respirar.[4]
Hai varias lendas sobre a súa morte. Unha delas di que despois de celebrar un sacrificio nun campo de Pisianacte, todos os convidados, mesmo o seu discípulo Pausanias, se retiraron do lugar. Porén, Empédocles mantívose aló. O día seguinte, o filósofo non se atopaba por ningures e algún servente dixo que escoitara unha voz que o chamaba e logo viu unha luz celestial. Despois diso, Pausanias determinou que era hora de loalo como un deus. Outra versión di que se lanzou ao volcán Etna,[5] buscando confirmar a súa unión divina coa natureza. Esta versión foi desmentida por moitos na antigüidade como se se tratase dun engano (Hipóboto).[6] Timeo é quen dá o dato máis probable sobre a súa morte, dicindo que Empédocles morreu no Peloponeso, unha vez exiliado de Agrigento.
ObraEditar
Por favor, axuda na mellora deste artigo ou sección ampliando a información que achega. Se cadra, podes atopar máis información na páxina de conversa. |
NotasEditar
- ↑ Guthrie 1998, p. 143.
- ↑ Lan & Cordero 1985, p. 144.
- ↑ Lan & Cordero 1985, pp. 142-143.
- ↑ Lan & Cordero 1985, p. 142.
- ↑ Horacio, p. 64
- ↑ Lan & Cordero 1985, p. 150.
Véxase taménEditar
Wikimedia Commons ten máis contidos multimedia na categoría: Empédocles  |
| A Galicitas posúe citas sobre: Empédocles |
BibliografíaEditar
- Horacio (1805). Arte poética ou Epístola a los Pisones. Madrid: Imp. Real.
- Laercio, Dióxenes (1947). Vida y doctrina de los grandes filósofos de la antigüedad (en castelán). Buenos Aires: Claridad.
- Lan, Conrado Eggers; Cordero, Néstor Luis (1985). Los filósofos presocráticos (en castelán) 2. España: Gredos. p. 426. ISBN 9788424935320.
- Guthrie, William Keith Chambers (1998). Historia de la Filosofía Griega. Tomo II: La tradición presocrática desde Parménides a Demócrito (en castelán). España: Gredos.
- Nietzsche, Friedrich Wilhelm (2003). Los filósofos preplatónicos (en castelán). Madrid: Celesa. ISBN 9788481645910.