Elvira García Piñeiro
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2018.) |
Elvira María García Piñeiro, nada en Pontevedra en 1967, é unha avogada e política galega, deputada autonómica na Asemblea de Madrid por Unión Progreso y Democracia (UPyD) durante a IX Lexislatura (2011-2015).
| Biografía | |
|---|---|
| Nacemento | 1967  (56/57 anos)Pontevedra, España |
.svg){kind=small} Deputada na Asemblea de Madrid | |
| | |
| Datos persoais | |
| Educación | Universidade de Santiago de Compostela |
| Actividade | |
| Ocupación | avogada, política |
| Partido político | Unión, Progreso y Democracia |
Traxectoria
editarLicenciada en Dereito pola Universidade de Santiago de Compostela, exerceu a avogacía dende 1994 en Santiago e Madrid dedicándose inicialmente ó dereito comunitario e á arbitraxe, e especializada en Dereito privado.
Foi membro da Asociación Pro Dereitos Humanos, a cal abandonou en 1992 trala defensa da Lei Corcuera por parte dalgúns dos fundadores da asociación.
É membro de Unión Progreso y Democracia (UPyD) dende setembro de 2007, tratando os temas xurídicos relacionados co partido; así mesmo, é membro do Consello de Dirección e do Consello Político do partido.
Tralas eleccións autonómicas de 2011 é elixida deputada na Asemblea de Madrid, sendo voceira adxunta segunda do Grupo Parlamentario de Unión Progreso e Democracia e voceira do seu grupo na Comisión de Presidencia e Xustiza e na Comisión de Vixilancia das Contratacións.