Elliott Coues

Elliott Coues, nado o 9 de setembro de 1842 en Portsmouth, Nova Hampshire, e finado o 25 de decembro de 1899 en Baltimore, Maryland, foi un cirurxián do exército estadounidense, historiador e ornitólogo.

Elliott Coues

Biografía
Nacemento	9 de setembro de 1842 Portsmouth, Nova Hampshire
Morte	25 de decembro de 1899 Baltimore, Maryland
Lugar de sepultura	Cemiterio Nacional de Arlington
Datos persoais
País de nacionalidade	estadounidense
Formación profesional	Medicina
Educación	Universidade de Columbia
Actividade
Ocupación	cirurxián, historiador e ornitólogo
Membro de	Academia Naciona de Ciencias dos Estados Unidos (Member of the National Academy of Sciences of the United States (en) ) (1877–) Literary Society of Washington (en)
Lingua	Lingua inglesa
Obra
Abreviatura do autor en zooloxía	Coues
Sinatura

Traxectoria

Elliott Coues graduouse na Universidade de Columbia de Washington, D.C. en 1861, e na Escola Médica desa institución en 1863.

Serviu como cadete médico en Washington entre 1862 e 1863 e, en 1864, foi designado cirurxián-asistente no exército regular. En 1872 publicou o seu Key to North American Birds, (Clave para as aves norteamericanas), a cal, revisada e reescrita en 1884 e 1901, fixo moito para promover o estudo sistemático da ornitoloxía nos Estados Unidos. Seu traballo contribuíu ao establecemento dos estándares actualmente aceptados de nomenclatura trinomial de subespecies en ornitoloxía e, posteriormente, en toda a zooloxía.

Entre 1873 e 1876 Coues foi asignado como cirurxián e naturalista á Comisión da Fronteira Norte dos Estados Unidos e, entre 1876 e 1880 foi secretario e naturalista do Levantamento Xeográfico e Xeolóxico dos Territorios dos Estados Unidos, do cal editou a súa publicación.

Foi conferenciante sobre anatomía na Escola Médica da Universidade de Columbia entre 1877 e 1882, e profesor de anatomía alí entre 1882 e 1887.

Coues foi un bibliógrafo coidadoso e, no seu traballo sobre os Birds of the Colorado Valley (Aves do Val do Colorado), incluíu unha sección especial sobre as andoriñas e intentou resolver se migraban en inverno o hibernaban baixo os lagos como se cría naquel tempo.

Abreviatura

A abreviatura Coues emprégase pare recoñecer a Elliott Coues como autoridade na descrición e taxonomía en zooloxía.

---

Este artigo é, polo de agora, só un bosquexo. Traballa nel para axudar a contribuír a que a Galipedia mellore e medre.

---