Eladio Fernández Diéguez

Eladio Fernández Diéguez, nado na Coruña o 3 de marzo de 1865 e finado en Zamora o 17 de novembro de 1935, foi un xornalista e político galego.

Eladio Fernández Diéguez

Biografía
Nacemento	3 de marzo de 1865 A Coruña, España
Morte	17 de novembro de 1935 (70 anos) Zamora, España
Datos persoais
País de nacionalidade	España
Actividade
Ocupación	xornalista , político
Membro de	Real Academia Galega (membro correspondente)
Lingua	Lingua castelá
Familia
Pai	Ezequiel Fernández Miranda

Traxectoria

Fillo do xornalista Ezequiel Fernández Miranda. Estudou Dereito nas universidades de Santiago de Compostela e Salamanca. Foi concelleiro republicano na Coruña. Comezou o seu traballo como xornalista en Murmullos Literarios e El Anunciador. Posteriormente, en Santiago de Compostela fundou El Cupido, traballou como redactor de La Verdad e Gaceta de Galicia, e colaborou con El Ciclón. Novamente na Coruña, colaborou con El Imparcial Coruñés e El Alcance e fundou e dirixiu La Coruña Cómica. Foi director de Tierra Gallega, redactor xefe de El Telegrama e tivo unha sección propia en La Voz de Galicia. Na súa estadía en Ferrol foi director de El Correo Gallego e Diario Ferrolano. Dirixiu Diario de Huelva, ademais de colaborar en diferentes xornais americanos.

Obras

• Para una noche (Historias y cuentos de miga), 1887.
• Parábolas, 1920.

Véxase tamén

Bibliografía

• "Fernández Diéguez, Eladio", Enciclopedia Galega Universal. Ir Indo.

Ligazóns externas

• Artigos na Hemeroteca da RAG Arquivado 15 de novembro de 2021 en Wayback Machine.