El secreto de la tierra
El secreto de la tierra é unha recompilación en castelán dos relatos de Manuel Rivas contidos nas obras Un millón de vacas (1989) e Os comedores de patacas (1991), publicado no ano 1999 pola Editorial Alfaguara e traducido ao castelán por Basilio Losada, sendo un dos poucos casos das obras de Manuel Rivas non traducidas por el mesmo.
| El secreto de la tierra | |
|---|---|
| Título orixinal | Un millón de vacas; Os comedores de patacas |
| Autor/a | Manuel Rivas |
| Cuberta | Luis Pita |
| Orixe | España |
| Lingua | Castelán |
| Tema(s) | Narrativa |
| Xénero(s) | Narrativa |
| Editorial | Editorial Alfaguara |
| Data de pub. | 1999 |
| Formato | Libro |
| Páxinas | 245 |
| ISBN | ISBN 84-204-7857-1 |
| Tradución | Basilio Losada |
| [ editar datos en Wikidata ] | |
Como o propio Rivas sinala no prólogo do libro:
Esta edición conjunta, con muy ligeros retoques de mampostería, permite entrelazar relatos, poemas y novela.
En moitos dos relatos que aparecen en calquera dos dous libros pódense atopar personaxes que rachan os estereotipos costumistas, de seres en continuo movemento e conflito, algúns incluso poderían ser cualificados como personaxes marxinais, destacando de maneira especial a nostalxia pola nenez, a ironía e unha visión máxica e épica do cotián.
A obra Un millón de vacas foi finalista do Premio Nacional de Narrativa e obtivo o Premio da Crítica Española.