Quinigol
Quinigol é un xogo de azar español xestionado por Loterías y Apuestas del Estado. Baséase nunha serie de partidos xogados por diversos equipos de fútbol, tanto clubs coma seleccións internacionais, nos que hai que acertar, cantos goles marcará cada equipo.
Regras e premios editar
Cada semana no boleto figurarán seis partidos diferentes cos nomes dos equipos que xogan. Cada aposta ten un prezo dun euro, e débese elixir cantos goles marcará cada equipo entre catro opcións diferentes: 0, 1, 2 e M, significando esta última 3 ou máis goles. Unha vez xogados todos os partidos, e sobre a base de cantos partidos se acertou o resultado exacto de ambos os dous equipos, establécense as seguintes categorías de premios, que se reparten o 55% da recadación:
- 1ª Categoría: 6 partidos acertados, gañando o 10% da recadación máis posibles botes da semana ou semanas anteriores.
- 2ª Categoría: 5 partidos acertados, gañando o 9% da recadación.
- 3ª Categoría: 4 partidos acertados, gañando o 8% da recadación.
- 4ª Categoría: 3 partidos acertados, gañando o 7% da recadación.
- 5ª Categoría: 2 partidos acertados, gañando o 20% da recadación.
En caso de varios acertantes nunha mesma categoría, repartiranse a partes iguais o total da recadación que lles corresponda. En caso de non haber acertantes de primeira categoría, o premio acumularíase como bote para a seguinte xornada. Se non houbese acertantes de segunda, o seu premio engrosaria a terceira categoría. Se tampouco houbese de terceira, o premio acumularíase na cuarta, e se na cuarta tampouco, o premio pasaría á quinta. No caso de que tampouco houbese acertantes de quinta categoría, todo o montante de premios pasaría ao bote da xogada seguinte.