El Periódico de Catalunya

El Periódico de Catalunya, ou máis simplemente El Periódico, é un diario de información xeral de pago, e distribución matinal, editado en Barcelona (España) en dobre versión, en catalán e en castelán. Ten a súa redacción nun edificio da rúa Consell de Cent, en pleno distrito do Eixample, e conta con correspondentes propios nas principais cidades de todo o mundo.

El Periódico de Catalunya Notícies i última hora per a gent compromesa
Edicións en castelán (cabeceira vermella) e en catalán (azul)
Formato de páxina	Formato berlinés
Fundación	1978
Director	Enric Hernàndez
Fundador	Antonio Asensio Pizarro
Editorial	Grupo Zeta
Tendencia	Progresismo, centro-esquerda
Lingua	Catalán e castelán
Localidade	Barcelona
Ámbito	Cataluña
Periodicidade	Diario
Tiraxe	168.911 exemplares (2010)
Na rede
http://www.elperiodico.cat/ e https://www.elperiodico.com
[ editar datos en Wikidata ]

Pertence ao Grupo Zeta e ideoloxicamente está considerado catalanista non nacionalista e progresista. Formalmente caracterízase polo gran tratamento gráfico e a impresión de todas as súas páxinas en cor. No ano 2006 El Periódico ten un prezo de 1 euro de luns a sábado, e de 2 euros os domingos, día en que inclúe a revista "Dominical" e os suplementos "Airbag" e "Cuaderno del Domingo".

Segundo datos certificados pola Oficina de Xustificación da Difusión (OXD) e referidos ao período de xaneiro a decembro de 2010, a media de tirada de El Periódico de Catalunya foi de 168.911 exemplares e a media de difusión de 133.055. Na súa edición dixital os usuarios creceron un 40'5% nun ano 2011-2012 rexistrando un dos maiores incrementos da prensa dixital en España.

Véxase tamén

Ligazóns externas

• Sitio web oficial (en catalán)
• Sitio web oficial (en castelán)