Eduvixes I de Polonia

Eduvixes I de Anjou-Hungría (en polaco: Jadwiga Andegaweńska, en húngaro: Hedvig, en alemán: Hedwig), nada o 18 de febreiro de 1374 e finada en Cracovia o 17 de xullo de 1399, foi a raíña[1] de Polonia (1382-1399) á morte do seu pai o rei Lois I de Hungría, que herdara tamén o trono de Polonia. Aínda que Eduvixes gobernou Polonia e a súa irmá máis vella, María I, reinou en Hungría,[2][3] ambas acabaron casadas con poderosos nobres que evitaron que reinasen de xeito independente. É venerada pola igrexa católica como Santa Eduvixes a Raíña, considerada como santa húngara e polaca. É a patroa das raíñas e da Europa Federal.

Infotaula de personaEduvixes I de Polonia

Editar o valor em Wikidata
Nome orixinal(pl) Jadwiga Andegaweńska Editar o valor em Wikidata
Biografía
Nacemento3 de outubro de 1373 ↔ 18 de febreiro de 1374 Editar o valor em Wikidata
Buda (Kingdom of Hungary) Editar o valor em Wikidata
Morte17 de xullo de 1399 Editar o valor em Wikidata (19/29 anos)
Cracovia (Reino de Polonia) Editar o valor em Wikidata
Causa da morteMorte natural Editar o valor em Wikidata (Obstetric labor complication (en) Traducir Editar o valor em Wikidata)
Lugar de sepulturaCatedral de Wawel (pt) Traducir Editar o valor em Wikidata
Raíña de Polonia
16 de outubro de 1384 (Gregoriano) – 17 de xullo de 1399 (Gregoriano)
← Lois I de HungríaLadislau II de Polonia →
Queen Consort of Poland (en) Traducir
1384 – 1399
Raíña rexente
Editar o valor em Wikidata
Datos persoais
País de nacionalidadeHungría
Reino de Polonia Editar o valor em Wikidata
RelixiónIgrexa católica Editar o valor em Wikidata
Actividade
Ocupaciónraíña rexente Editar o valor em Wikidata
LinguaLingua polaca Editar o valor em Wikidata
Enaltecemento
Día de festividade relixiosa17 de xullo Editar o valor em Wikidata
Outro
TítuloRaíña Editar o valor em Wikidata
FamiliaCasa de Anjou-Sicilia Editar o valor em Wikidata
CónxuxeLadislau II de Polonia (1386–) Editar o valor em Wikidata
FillosElizabeth Bonifacia of Poland (en) Traducir Editar o valor em Wikidata
PaisLois I de Hungría Editar o valor em Wikidata  e Isabel da Bósnia (pt) Traducir Editar o valor em Wikidata
IrmánsMaría I de Hungría e Catarina da Hungria (pt) Traducir Editar o valor em Wikidata

Editar o valor em Wikidata

Find a Grave: 31881595 Editar o valor em Wikidata

Traxectoria editar

Eduvixes pertenceu á Casa dos Anjou de Hungría. Naceu en 1374 no palacio real de Buda,[4] como unha das fillas do poderoso rei Lois I de Hungría e da súa segunda esposa, Isabel de Bosnia.[5][6] Ao nacer Eduvixes, Hungría achábase na súa época dourada medieval, onde o monarca gobernaba un imperio composto por case dez estados menores na Europa Central. As minas de ouro e prata húngaras abastecían en gran parte as nacións europeas, e as froitas e as verduras húngaras eran coñecidas nas cortes dos reinos occidentais. Deste xeito, cando morreu o rei Casimiro III de Polonia en 1370 e o fillo da súa irmá (Lois I de Hungría) herdou o reino, os dous estados, aínda que funcionaban independentemente, estaban gobernados polo mesmo monarca. Isto levou a certos problemas ao comezo, mais considerábase máis tráxico o drama que tiña que resolver Lois I: non contaba con fillos herdeiros varóns, así que fixo que as súas fillas fosen aceptadas pola nobreza como as súas sucesoras trala súa morte mediante o Privilexio de Koszyce o 17 de setembro de 1374.[7][8][9] Lois I faleceu en 1382, e de inmediato xurdiron conflitos sucesorios, onde as súas fillas foron coroadas como raíñas, mais non exerceron o poder independentemente.

Eduvixes fora comprometida en matrimonio co duque Guillerme de Austria, que nesa época era un mozo de catorce anos.[10] Con todo, a nobreza polaca non desexaba ver un Habsburgo no trono de Polonia xunto á raíña,[11][12] así que conseguiron a anulación do compromiso. Por outra banda, considerando moito máis conveniente, estes arranxaron que a raíña Eduvixes de dez anos de idade fose tomada como esposa polo pagán Jagiełło, duque de Lituania,[13] quen para casar tivo que se converter ao cristianismo, lográndose finalmente a conversión dos lituanos e a asimilación ao mundo "cristián civilizado" medieval. Automaticamente volveuse o soberano polaco co nome de Ladislau II de Polonia. Ladislau pasou a exercer o goberno, quedando a raíña en segundo plano. A pesar diso, foi unha fervente colaboradora do seu esposo.

O matrimonio non tivo descendencia, xa que a única filla do matrimonio, Elżbieta Bonifacja, morreu ás tres semanas de nacer, o 13 de xullo de 1399.[14] Eduvixes tamén estaba no sei leito de morte. Ela mesma aconsellou o seu marido que casase con Ana de Cilli, neta de Casimiro o Grande,[15] o que fixo, e faleceu o 17 de xullo de 1399, catro días despois da súa filla.[14][16] Ambas foron enterradas xuntas na catedral de Wawel o 24 de agosto de 1399,[14][16] como dicía a última vontade da raíña. O 12 de xullo de 1949 abriuse a tumba, máis non quedaba ningún resto da súa filla.[17]

Legado editar

A pesar de ser venerada en Europa durante séculos, non foi até 1979 cando o papa Xoán Paulo II rezou ante o seu sartego. Foi beatificada en 1986 e canonizada en Cracovia o 8 de xuño de 1997.[18] É a santa patroa das raíñas e da Europa Unida.

Notas editar

  1. Eduvixes foi coroada oficialmente como "Rei de Polonia" — Hedvig Rex Poloniæ, non como raíña. A lei polaca non tiña previsto unha raíña reinante, mais tampouco especificaba que o monarca tivese que ser un varón.
  2. Halecki 1991, p. 75.
  3. Engel 2001, p. 195.
  4. Halecki 1991, p. 56.
  5. Wolf 1993, p. xliii.
  6. Engel 2001, p. 169.
  7. Duczmal, Małgorzata (1996). Jagiellonowie. Cracovia: Wydawnictwo Literackie. p. 305. ISBN 83-08-02577-3. 
  8. Davies 2005, p. 90.
  9. Sedlar 1994, pp. 39–40.
  10. Halecki 1991, p. 58.
  11. Frost 2015, p. 17.
  12. Halecki 1991, pp. 116–117.
  13. Halecki 1991, p. 118.
  14. 14,0 14,1 14,2 Frost 2015, p. 91.
  15. Halecki 1991, pp. 264–265.
  16. 16,0 16,1 Halecki 1991, p. 257.
  17. Olbrycht and Kusiak, pp. 256–66.
  18. "St. Hedwig of Poland - Saints & Angels - Catholic Online" (en inglés). Catholic Online. Consultado o 18 de outubro de 2018. 

Véxase tamén editar

Bibliografía editar