Eduardo Dieste

Eduardo Dieste Gonçalves, nado en Rocha (Uruguai) o 14 de novembro de 1882 e finado en Santiago de Chile o 2 de setembro de 1954, foi un escritor e diplomático galego de nacionalidade uruguaia, irmán de Rafael Dieste.

Eduardo Dieste

Biografía
Nacemento	14 de novembro de 1882 Rocha, Uruguai
Morte	2 de setembro de 1954 (71 anos) Santiago de Chile
Cónsul
Datos persoais
País de nacionalidade	Uruguai
Actividade
Ocupación	crítico literario , diplomático , escritor
Partido político	Partido Colorado (pt)
Lingua	Lingua castelá
Familia
Pai	Eladio Dieste Muriel
Irmáns	Rafael Dieste

Traxectoria

Foi o terceiro fillo, de sete, do galego Eladio Dieste Muriel e a uruguaia Olegaria Gonçalves Silveira, descendente de portugueses establecidos no Brasil. Entre 1888 e 1893 residiu coa súa familia en Pontevedra, e despois establecéronse en Rianxo. Estudou no seminario de Santiago de Compostela pero non chegou a ordenarse. Despois estudou filosofía e letras. Colaborou co seu amigo Alfonso Daniel Rodríguez Castelao en El Barbero Municipal.

En 1911 volveu para o Uruguai para evitar ter que ir á guerra do Rif. Alí foi animador do grupo poético Teseo.

En 1927 foi nomeado cónsul xeral do Uruguai en Londres, cargo que ocupou até 1931. Nese ano foi destinado a España exercendo como cónsul de Bilbao, Cádiz e Madrid, onde fundou a revista P.A.N. (poetas, andantes e navegantes), mais renunciou ao cargo en desacordo coa decisión do goberno uruguaio de romper as relacións diplomáticas coa república. Despois foi cónsul de San Francisco (1943-1952), Nova York (1952-1953) e Santiago de Chile (1953-1954).

Empregou o pseudónimo de Dr. Sintax.

Obras

El viejo, 1920.

• Leyendas de la música (Madrid, 1911).
• Buscón Poeta. Teorías disparatadas y cuentos de burlas (Montevideo, 1913?)
• Los místicos (Montevideo, 1915).
• Los comerciantes del siglo XX (Barcelona, 1912).
• El viejo (Montevideo, 1920).
• Teseo, discusion estética y ejemplos (Montevideo, 1925).
• Teseo, crítica literaria (Montevideo, 1930).
• Buscón poeta y su teatro (Madrid, 1933).
• Teseo, los problemas literarios (Montevideo, 1938).
• Teseo, los problemas del arte (Buenos Aires, 1940).
• 21 sonetos de Shakespeare (Montevideo, 1944).
• Teseo, los problemas del arte (Montevideo, 1964).
• Obra selecta (Barcelona, 1987).

As obras deste autor están no dominio público no Uruguai, xa que morreu hai máis de 50 anos.

Galería de imaxes

• 
  Teseo, discusion estética y ejemplos, Montevideo, 1925.
• 
  Teseo, crítica literaria, Montevideo, 1930.
• 
  Teseo, los problemas literarios, Montevideo, 1938.
• 
  Teseo, los problemas del arte, Montevideo, 1964.

Véxase tamén

Bibliografía

• "Dieste, Eduardo". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Real de Azúa, Carlos (1964). Antología del ensayo uruguayo contemporáneo, v. 1. Montevideo. Universidade da República.
• Couceiro Freijomil, Antonio (1951-53). Diccionario Bio-bibliográfico de Escritores (en castelán) I. Bibliófilos Gallegos. p. 363. 

Outros artigos

• P.A.N.

Ligazóns externas

• Biblioteca digital de autores uruguayos (en castelán).