Dorothea Menadier
Dorothea Menadier, nada o 11 de decembro de 1891 en Berlín e finada en data e lugar incertos, foi unha numismática alemá especializada na moeda medieval.[1]
| Biografía | |
|---|---|
| Nacemento | 11 de decembro de 1891 Berlín  |
| Morte | século XX |
| Datos persoais | |
| País de nacionalidade | Alemá |
| Educación |  Universidade de Tubinga. Universidade Humboldt de Berlín. |
| Coñecido por | Estudos de numismática medieval. |
| Actividade | |
| Campo de traballo | Numismática. |
| Ocupación | numismático , profesora de ensino secundario |
| Influencias | |
| Lingua | Lingua alemá |
Traxectoria editar
Dorothea Menadier era filla do eminente numismático medievalista Julius Menadier (1854-1939), director do Gabinete Numismático (Münzkabinett) de Berlín, e da súa muller, Ida Menadier, baronesa de Düring (1858-1934).[1]
O seu irmán, Karl Menadier, tamén foi un recoñecido numismático.[2]
Logo de cursar a súa educación secundaria en Schöneberg, estudou Historia na Universidade de Tubinga e posteriormente na Universidade de Berlín. Nesta última doutorouse o 21 de xuño de 1915, na Facultade de Filosofía, baixo a dirección de Michael Tangl, cunha tese titulada Die Münzen und das Münzwesen der deutschen Reichsäbtissinnen im Mittelalter ("As moedas e as cuñaxes das abadías imperiais alemás na Idade Media").
Publicacións editar
- (1915): Die Münzen und das Münzwesen der deutschen Reichsäbtissinnen im Mittelalter. Friedrich-Wilhelms-Universitat zu Berlin.
- (1920): Die Münzen und das Münzwesen der deutschen Reichsäbtissinnen im Mittelalter. En Zeitschrift für Numismatik. Nº 32. Páxinas 185-293.
Notas editar
- ↑ 1,0 1,1 "Dr. phil. Dorothea MENADIER, deutsche Numismatikerin". Eine große Familie - Ihr Stammbaum im Internet.
- ↑ "Dr. Karl MENADIER, deutscher Numismatiker". Eine große Familie - Ihr Stammbaum im Internet.