Dornier Do 228
O Dornier Do 228 é un avión utilitario con dous motores turbohélices e capacidade STOL, deseñado e fabricado inicialmente por Dornier GmbH (despois DASA Dornier e Fairchild-Dornier) dende 1981 ata 1998. 245 fabricáronse en Oberpfaffenhofen, Alemaña. En 1983 Hindustan Aeronautics (HAL) mercou unha licenza de fabricación e produciu outros 125 aparellos en Kanpur, India. En xullo de 2017 aínda quedaban 63 aparellos en servizo.
| Dornier Do 228 | |
|---|---|
.jpg) | |
| Tipo | utilitario |
| Fabricante | Dornier GmbH Hindustan Aeronautics Limited RUAG |
| Deseñado por | Dornier GmbH |
| Primeiro voo | 28 de marzo de 1981 |
| Introducido | xullo de 1982 |
| Produción | Dornier: 1982-1997 HAL: 1985-presente RUAG: 2010-presente |
| Unidades construídas | Dornier: 245 HAL: 125 |
En 2009 RUAG comezou a fabricar un Dornier 228 New Generation en Alemaña. A fuselaxe, as ás e a unidade de cola son fabricadas por Hindustan Aeronautics Limited (HAL) en Kanpur, India, e transportadas ata Oberpfaffenhofen, onde RUAG Aviation realiza a montaxe final dos aparellos. O Do 228NG usa a mesma estrutura con tecnoloxías melloradas e mellores rendementos, como unhanova hélice de cinco pas, cabina de cristal e un maior alcance.[1] A primeira entrega realizouse en setembro de 2010 a un operador xaponés.[2] En setembro de 2020 RUAG vendeu o programa Do 228 a General Atomics.[3]
Notas
editar- ↑ "Dornier 228". dornier228.ruag.com. Arquivado dende o orixinal o 29 de novembro de 2020. Consultado o 2020-12-03.
- ↑ Weisberger, Harry. "Ruag Shows Off NextGen Dornier Do228NG". Aviation International News (en inglés). Consultado o 2020-12-03.
- ↑ "General Atomics Buys RUAG’s Dornier 228 Programme – UAS VISION" (en inglés). Consultado o 2020-12-03.