Divina Galica

Divina Mary Galica MBE, nada en Bushey Heath o 13 de agosto de 1944, é unha deportista do Reino Unido. Competiu en catro Olimpíadas de Inverno como esquiadora, capitaneando o equipo de esquí olímpico feminino británico en 1968 e 1972. Tamén tivo unha andaina no automobilismo, participando en tres Grandes Premios do campionato mundial de Fórmula 1.

Divina Galica

Biografía
Nacemento	13 de agosto de 1944 (79 anos) Bushey, Reino Unido (en)
Datos persoais
País de nacionalidade	Reino Unido
Altura	172 cm
Peso	60 kg
Actividade
Ocupación	piloto de Fórmula Un , esquiadora alpina
Lingua	Lingua inglesa
Deporte	esquí alpino
Participou en
febreiro de 1972	Xogos Olímpicos de Inverno de 1972
febreiro de 1968	Xogos Olímpicos de Inverno de 1968
1964	Xogos Olímpicos de Inverno de 1964
Premios  membro da Orde do Imperio Británico

Carreira no esquí

Galica naceu en Bushey Heath, preto de Watford, Hertfordshire. Con 19 anos, participou nos seus primeiros Xogos Olímpicos en Innsbruck en 1964, competindo en esquí alpino e Slálom. Tamén participou nas dúas Olimpíadas de Inverno seguintes, en Grenoble en 1968 e en Sapporo en 1972. En ambas ocasións Galica foi a capitá do equipo de esquí olímpico feminino británico, e terminou no top-ten no slálom xigante. Agás da competición olímpica, Divina Galica logrou dous podios na Copa do Mundo na carreira de descenso, ocupando o terceiro lugar nas roldas de Badgastein e Chamonix en 1968. Galica tamén logrou a marca británica de velocidade de esquí alpino (201 km/h). Logo da súa posterior carreira como piloto, Galica volveu a esquiar e unha vez máis representou a Gran Bretaña nos Xogos Olímpicos de Inverno de 1992, esta vez na carreira de esquí de velocidade.

Andaina como piloto

Aceptou unha invitación a unha carreira de celebridades, Galica sorprendeu a todos co seu talento de piloto. Tomouse eventualmente o automobilismo como unha segunda profesión, inicialmente nos kart de carreiras, pasando posteriormente á Fórmula 2 e Fórmula 1 antes de atopar éxito nas carreiras de deportivos e camións. A súa andaina nas carreiras incluíu tempadas na Fórmula Renault e na Fórmula Vauxhall Lotus.

Galica estivo baixo a disciplina John Webb e Nick Whiting, participou nas series British Shellsport International Grupo 8 en 1976, pilotando un Surtees TS16 de Fórmula 1. Logo das prometedoras demostracións nesta serie doméstica, Whiting decidiu que Galica participara no Gran premio británico dese ano, pilotando o seu Surtees. Esta aparición foi notable, por primeira vez en 13 anos inscribiuse un coche para un Gran Premio do Campionato do Mundo co temido número 13 da mala sorte. Que tamén foi para Galica, xa que non se cualificou para a carreira. A súa aparición significou que tamén se uniu ao selecto club de sete pilotos de Fórmula Un que tamén competeron nos Xogos Olímpicos.

Galica pilotando un Brabham BT37 nun Gran Premio Histórico no circuíto de Lime Rock Park en 2009.

Para 1977 Whiting adquiriu un Surtees TS19 de segunda man para que Galica correra na serie británica. O equipo de Whiting carecía da pericia técnica requirida para configurar correctamente o coche para cada carreira, e Galica víase prexudicada a miúdo pola mala configuración. O seu rival Tony Trimmer tamén estaba equipado cun Surtees TS19, pero os seus coñecementos de enxeñería e un equipo ben financiado significou que quedara por diante na pista na maioría das carreiras. Whiting logrou o patrocinio de Cámaras Olympus ao longo da tempada, antes disto o equipo funcionara cun orzamento de só 10.000 libras para toda a tempada. Malia isto, Galica logrou tomar o terceiro lugar en Brands Hatch e o segundo lugar en Donington Park, pero Trimmer gañou ambos e logrou o título do Campionato.

O piloto oficial de Hesketh Racing, Rupert Keegan, participara nun par de roldas da serie nacional británica en 1977, e ao comezo da tempada de Fórmula 1 de 1978 Hesketh ofreceu a Galica a oportunidade de substituílo no equipo nun Hesketh 308E. Galica levouse o patrocinio de Olympus con ela (substituíndo o patrocinio anterior da revista Penthouse), pero non puido cualificar o 308E para ningunha das dúas primeiras carreiras da tempada do Campionato Mundial de 1978. Despois do segundo fracaso volveu á serie inglesa da fórmula un, o campionato británico Shellsport, agora unha serie totalmente de Fórmula 1. Co seu TS19, Galica logrou o segundo lugar na rolda de Zandvoort. Con todo, na súa ausencia Trimmer mercara un coche McLaren M23 ex oficial, e co envellecido TS19, Galica tiña poucas posibilidades de ser competitiva. Na súa segunda participación, máis tarde na tempada, no seu propio M23 só logrou un sétimo lugar.

Separadamente dun número limitado de saídas en monoprazas, Galica cambiou a súa atención á clase de coches deportivos S2000 Thundersports, logrando varias terminacións entre os dez primeiros e ás carreiras de camións. Galica converteuse en instrutora de carreiras da Skip Barber Racing School, chegando a ser vicepresidenta de Skip Barber Racing, dirixindo tanto a súa escola de pilotaxe como a súa serie de carreiras. En 2005, na fin de semana de Mont-Tremblant das Skip Barber Race Series, Galica anunciou que deixaba Skip Barber para traballar para iRacing.com como directora da compañía.

Rexistro de carreiras

Resultados completos da Serie Internacional Shellsport

(Nota: os resultados mostrados en negra indican pole position, os resultados en cursivas indican volta rápida)

Ano	Equipo	Chasis	Motor	1	2	3	4	5	6	7	8	9	10	11	12	13	14	Pos.	Pts
1976	Shellsport/Whiting	Surtees TS16	Ford Cosworth DFV 3.0 V8	MAL 7	SNE 6	OUL Ret	BRH NC	THR 4	BRH 6	MAL 4	SNE 5	BRH 9	THR 7	OUL 6	BRH 13	BRH 10		4º	57
1977	Shellsport/Whiting	Surtees TS19	Ford Cosworth DFV 3.0 V8	MAL NTS	SNE 2	OUL Ret		MAL Ret	THR Ret	BRH Ret	OUL 4	MAL 3	DON 2	BRH 3	THR Ret	SNE NTS	BRH 6	6º	74
		March 742	Ford BDX Swindon				BRH Ret

Resultados completos no campionato do Reino Unido de Fórmula 1

(clave) (nota: resultados en negra indican pole position, resultados en cursiva indican volta rápida)

Ano	Equipo	Chasis	Motor	1	2	3	4	5	6	7	8	9	10	11	12	13	14	15	Pos.	Pts
1978	Team Olympus	Surtees TS19	Ford Cosworth DFV 3.0 V8	OUL	BRH	SNE	MAL	ZAN 2	DON	THR	OUL	MAL	BRH						14º	19
	Melchester Racing	McLaren M23	Ford Cosworth DFV 3.0 V8											THR 7	SNE
1979	Divina Galica	March 792	Hart	ZOL	OUL	BRH Ret	MAL	SNE	THR	ZAN	DON 5	OUL	NOG	MAL	BRH	THR	SNE	SIL	19º	2
1980	Divina Galica	March 792	Hart	OUL	BRH	SIL	MAL	THR	MNZ	MAL	SNE	BRH	THR	OUL 6	SIL 9				20º	1

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	Pos.	Pts.
1976	Shellsport/Whiting	Surtees TS16	Ford Cosworth DFV 3.0 V8	BRA	RSA	USW	ESP	BEL	MON	SWE	FRA	GBR NSC	ALE	AUT	NED	ITA	CAN	USA	XPN	NC	0
1978	Olympus Cameras with Hesketh	Hesketh 308E	Ford Cosworth DFV 3.0 V8	ARX NSC	BRA NSC	RSA	USW	MON	BEL	ESP	SWE	FRA	GBR	ALE	AUT	NED	ITA	USA	CAN	NC	0

Resultados na Fórmula 1 fóra de campionato

(Chave) (Carreiras en negra indican pole position) (Carreiras en cursiva indican volta rápida)

Ano	Equipo	Chasis	Motor	1
1977	Shellsport/Whiting	Surtees TS19	Ford Cosworth DFV 3.0 V8	ROC 12
1978	Olympus Cameras with Hesketh	Hesketh 308E	Ford Cosworth DFV 3.0 V8	INT Ret

Resultados completos no Campionato de Europa de Fórmula 2

(clave) (Carreiras en negra indican pole position, carreiras en cursiva indican volta rápida)

Ano	Equipo	Chasis	motor	1	2	3	4	5	6	7	8	9	10	11	12	13	Pos.	Pts
1977	Ardmore Racing	Chevron B39	Ford BDA	SIL	THR	HOC	NÜR	VAL	PAU	MUG	ROU	NOG	PER	MIS	EST	DON 15	NC	0
1978	Bob Salisbury Racing	March 782	BMW	THR	HOC	NÜR	PAU	MUG	VAL	ROU	DON	NOG	PER	MIS	HOC NSC		NC	0
1979	Divina Galica	March 792	Hart	SIL 11	HOC	THR	NÜR 17	VAL	MUG	PAU	HOC	ZAN	PER	MIS	DON 11		NC	0
1980	Wendy Wools	March 792	Hart	THR Ret	HOC	NÜR	VAL	PAU									NC	0
	Divina Galica								SIL Ret	ZOL	MUG	ZAN	PER	MIS	HOC

Véxase tamén

Outros artigos

• Lista de mulleres pilotos de Fórmula 1

Ligazóns externas

• Profile at A Second A Lap
• "Driver: Galica, Divina". Autocourse Grand Prix Archive. Arquivado dende o orixinal o 20 de febreiro de 2006. Consultado o 28 March 2016. 
• "Divina Galica GBR". Ski-DB.com. Consultado o 2007-11-12. 
• "Driver: Divina Galica". ChicaneF1.com. Consultado o 2007-11-12.  (World Championship stats.)