Diazomata

Unha diazomata, palabra orixinaria do grego (διάζωμα) e que se emprega tamén no latín diazoma, é un espazo alongado que separa unha sección das bancadas doutra, tanto no teatro como nos anfiteatros e circos. Normalmente era única coma no Teatro de Epidauro pero, ás veces, eran dúas coma no Teatro de Dioniso en Atenas.

Bosquexo esquemático do Teatro de Dioniso en Atenas.

As diazomatas, corredores que separan os diferentes niveis nas bancadas, son claramente visibles no Teatro romano de Cartaxena.

No teatro romano pasan a denominarse como praecinctio mais o arquitecto romano Marco Vitruvio empregaba, porén, dita palabra para designar o elemento que divide a orchestra da escena.