Wikipedia

Despotado de Morea

O Despotado de Morea (en grego: Δεσποτᾶτον τοῦ Μορέως) ou Despotado de Mistrá (en grego: Δεσποτᾶτον τοῦ Μυστρᾶ) foi unha provincia do Imperio bizantino que existiu entre mediados do século XIV e mediados do XV. O seu territorio variou en tamaño durante os seus 100 anos de existencia, pero co tempo chegou a tomar practicamente toda a península sur de Grecia, o Peloponeso, que foi chamada Morea na Idade Media. Foi gobernada xeralmente por un parente próximo ao emperador bizantino, que recibiu o título de déspota. A súa capital era a cidade fortificada de Mistrá, preto da antiga Esparta, que se converteu nun importante centro da cultura e o poder bizantino.

OrixeEditar

Durante a Cuarta Cruzada, os cruzados conquistaron Constantinopla no ano 1204 e o imperio Bizantino foi derrubado. No antigo territorio bizantino de Morea, os cruzados fundaron o Principado de Acaia, gobernando Guillerme II de Acaia. Pero o ano 1259, o bizantino Miguel VIII Paleólogo derrotouno e capturouno na Batalla de Pelagonia. A resultas desta batalla, os bizantinos recuperaron o control de parte sur da Península de Morea, que se converteu no núcleo do Despotado bizantino de Morea e estivo permanentemente en loita contra o Principado cruzado de Acaia. Pouco despois, o emperador Miguel VIII Paleólogo recapturaba Constantinopla e declaraba restaurado o imperio Bizantino.

Constitución e expansión do DespotadoEditar

O emperador bizantino Xoán VI Cantacuzeno (1347-1355)[1] reorganizou politicamente a provincia bizantina e constituír como un despotado para que fose gobernado polo seu fillo e sucesor Manuel Cantacuzeno.[2] Teodoro I Paleólogo,[3] un irmán máis novo do emperador Andrónico IV Paleólogo, apoderouse do despotado en 1383,[4] onde gobernou ata 1407,[5] consolidando a hexemonía bizantina na península e levando á destrución ao Principado de Acaia en 1432,[6] cando caeu o último reduto do poder cruzado, a cidade de Patrás.

DesapariciónEditar

En 1453 produciuse a Caída de Constantinopla a mans dos turcos otománs pese aos intentos de auxilio enviados desde o Despotado de Morea.[7] Trala caída definitiva do imperio Bizantino, os déspotas de Morea sometéronse ao imperio otomán, pero en 1460 o territorio foi invadido polos otománs.[8]

Déspotas de MoreaEditar

 
Mapa da Provincia de Mistra, predecesora do Despotado de Morea, en 1265
(William R. Shepherd, Historical Atlas, 1911).

Véxase taménEditar

BibliografíaEditar

Ligazóns externasEditar

NotasEditar

  1. ↑ S. Runciman, op. cit., p.52
  2. ↑ G. Ostrogorski, op.cit., p.549
  3. ↑ G. Ostrogorski, op. cit., p.564-565.
  4. ↑ S. Runciman, op. cit., p.57
  5. ↑ S. Runciman, op. cit., p. 65
  6. ↑ G.Ostrogorski, op. cit., p. 582
  7. ↑ S. Runciman, op. cit., p. 87
  8. ↑ S. Runciman, op. cit., p. 90
Traído desde «https://gl.wikipedia.org/w/index.php?title=Despotado_de_Morea&oldid=6275011»