Der Golem, wie er in die Welt kam

Der Golem, wie er in die Welt kam é un filme mudo alemán dirixido por Paul Wegener e Carl Boese que se estreou en 1920. O guión baséase na novela de 1915 Der Golem de Gustav Meyrink. O filme é o terceiro dos tres que Wegener fixo sobre o ser golem, sendo as outras dúas Der Golem (1915) e a comedia curta Der Golem und die Tänzerin (1917). Este filme é o máis famoso dos tres de Wegener porque é o único que non se perdeu e chegou ata a actualidade.

Der Golem, wie er in die Welt kam
Póster do filme
Ficha técnica
Título orixinal	Der Golem, wie er in die Welt kam
Director	Paul Wegener Carl Boese
Produtor	Paul Davidson
Guión	Henrik Galeen Paul Wegener
Intérpretes	Paul Wegener Albert Steinrück Lyda Salmonova Ernst Deutsch Lothar Müthel
Fotografía	Karl Freund
Estrea	1920
Duración	85 minutos
Orixe	República de Weimar
Xénero	Terror
Na rede

Sinopse

No século XVI, no gueto de Praga, vivía o Rabino Löw, mago e mestre na arte da nigromancia. Para evitar a expulsión dos xudeus, ordenada polo Emperador Rodolfo II, modelou a figura de arxila do Golem e invocou ó espírito de Astaharot para que lle outorgase a vida. Porén, cando os xudeus conseguen quedar na cidade, e o Golem salva a vida do Emperador, o rabino trata de invalidar o seu conxuro e quitarlle a vida porque xa realizou o seu cometido. Pero cando un servente, cegado de amor, devólvelle a vida, a figura de arxila escapa da influencia humana e convértese nunha ameaza.

Personaxes

• Albert Steinrück como Rabbi Loew
• Paul Wegener como Golem
• Lyda Salmonova como Miriam
• Ernst Deutsch como Famulus
• Lothar Müthel como o Cabaleiro Florian
• Otto Gebühr como Emperador Luhois
• Hans Stürm como Rabbi Jehuda
• Max Kronert como gardián das portas
• Greta Schröder como Dama da corte
• Loni Nest como Nena pequena

Véxase tamén

Ligazóns externas

• Ficha na IMDb (en inglés)
• Ficha en RottenTomatoes (en inglés)