Democracia Ourensana

partido político ourensán de ámbito provincial

Democracia Ourensana é un partido político ourensán de ámbito provincial dirixido por Gonzalo Pérez Jácome.[3]

Democracia Ourensana
Partido político de Galicia
Dirixentes e organización
LíderGonzalo Pérez Jácome
Historia
FundaciónXuño do 2001
Representación
Parlamento de Galicia
1 / 75
Concello de Ourense
10 / 27
[1]
Deputación de Ourense
3 / 25
[2]
Concello do Pereiro de Aguiar
0 / 13
[1]
Concello de Barbadás
1 / 17
[1]
Outros datos
SedePraza Maior 1, 32005 Ourense(Soto da casa do concello)
Na rede
https://www.democraciaourensana.es
Facebook: DemocraciaOurensana Twitter: DemOurensana Editar o valor em Wikidata

Democracia Ourensana ten unha canle de televisión, que tamén está en YouTube, Auria TV, de ámbito local, no que emite propaganda, roldas de prensa e algúns programas sobre política provincial.[4][5][6]

Auria TV

editar
Artigo principal: Auria TV.

Auria TV é unha canle de ámbito local propiedade de Gonzalo Pérez Jácome, líder de Democracia Ourensana.

A cadea de televisión cuxa sintonización está dispoñible na canle 51 en Ourense[6]

Foi a primeira cadea de televisión de España en emitir programas en bucle para telos dispoñibles a distintas horas do día.[5]

Ideoloxía

editar

O partido rexeita a adscrición á dereita ou á esquerda convencionais ("D.O. no es de derechas ni de izquierdas, sino de Ourense")[7]. Con todo,Natalia Puga caracterízao como "populismo de dereitas" e Onda Cero como "localista"[8].

A pesar do seu proclamado carácter transversal[9], o seu histórico na política municipal, provincial e galega caracterizouse polas alianzas máis ou menos consistentes co Partido Popular: en 2014, favoreceu o acceso á alcaldía do candidato popular Jesús Vázquez; en 2019, obtivo a alcaldía sendo a terceira forza do consistorio ourensán, pasando a integrar os populares no goberno, até a súa ruptura en xullo de 2022, despois de favorecer igualmente a continuidade de José Luís Baltar á fronte da Deputación. Logo das municipais de 2023, DO e PP alcanzaron un acordo para accederen ao mando do Concello da capital e da Deputación, respectivamente, en solitario. Finalmente, após as eleccións ao Parlamento de Galicia de 2024, o seu único representante, Armando Ojea, abstívose na votación de investidura de Alfonso Rueda.

Por outro lado, o seu líder Gonzalo Pérez Jácome ten desacreditado publicamente os seus adversarios de esquerdas, como o PSdG-PSOE ou o BNG, afirmando sobre este último que "es un partido soviético y Pontón una radical que defendía terroristas"[10].

Por outro lado, DO renega do galego como lingua vehicular no ámbito público, non sendo usada habitualmente polo seu líder nin de forma sistemática a través das súas canles de comunicación, o que coloca este partido fóra do consenso da normalización lingüística do período autonómico. Resultados electorais de Democracia Ourensana[1][11][12][13]:

Data Tipo Cabeza de lista Votos Escanos Lugar
Maio 2003 Municipais Gonzalo Pérez Jácome  284 0 Ourense
Xuño 2005 Autonómicas 638 0 Galicia
Maio 2007 Municipais Gonzalo Pérez Jácome 1757 0 Ourense
Marzo 2009 Autonómicas 1023 0 Galicia
Maio 2011 Municipais Gonzalo Pérez Jácome 4529 2 Ourense
Outubro 2012 Autonómicas Rafael Martínez Cachafeiro 4245 0 Galicia
Maio 2015 Municipais Gonzalo Pérez Jácome 13.679 8 Ourense
Maio 2015 Municipais 630 2 Barbadás
Maio 2015 Municipais 437 2 O Pereiro de Aguiar
Setembro 2016 Autonómicas Miguel Caride[14] 7679 0 Galicia
Maio 2019 Municipais Gonzalo Pérez Jácome 12.009 7 Ourense
Maio 2019 Municipais 499 1 Barbadás
Maio 2019 Municipais 261 1 O Pereiro de Aguiar
  1. 1,0 1,1 1,2 1,3 "Resultados eleccións municipais 2019". Arquivado dende o orixinal o 25 de xuño de 2019. Consultado o 31 de maio de 2019. 
  2. "Pleno da Deputación de Ourense". Deputación de Ourense. Arquivado dende o orixinal o 01-02-2018. Consultado o 20-10-2017. 
  3. "Historia de Democracia Ourensana". www.democraciaourensana.es (en castelán). Arquivado dende o orixinal o 15-10-2017. Consultado o 20-10-2017. Gonzalo Pérez Jácome, presidente del partido [...] 
  4. Canle Auria TV en YouTube
  5. 5,0 5,1 "Auria TV – Canal 51 de la TDT de Ourense". auria.es (en castelán). Arquivado dende o orixinal o 07 de marzo de 2018. Consultado o 2018-01-07. 
  6. 6,0 6,1 "CANALES TDT OURENSE - orense tv frecuencias galiza". www.tdt1.com (en castelán). Arquivado dende o orixinal o 02 de febreiro de 2018. Consultado o 2018-01-07. 
  7. "¿Quiénes somos?". Democracia Ourensana (en castelán). Consultado o 2024-04-12. 
  8. "Qué es Democracia Ourensana, el partido que ha logrado entrar en el parlamento gallego | Onda Cero Radio". www.ondacero.es (en castelán). 2024-02-18. Consultado o 2024-04-12. 
  9. Fernández, María (2024-02-06). "Armando Ojea (Democracia Ourensana): “Si conseguimos representación, pactaremos con el diablo. ¿Acaso no pactamos con los Baltar?”". El País (en castelán). Consultado o 2024-04-12. 
  10. "Gonzalo P. Jácome: «El BNG es un partido soviético y Pontón una radical que defendía terroristas»". Consultado o 2024-04-12. 
  11. "Historia de Democracia Ourensana". www.democraciaourensana.es (en castelán). Arquivado dende o orixinal o 15-10-2017. Consultado o 20-10-2017. 
  12. "Resultados Electorales en O Pereiro de Aguiar: Elecciones Municipales 2015". El País (en castelán). Consultado o 20-10-2017. 
  13. "Resultados Electorales en Barbadás: Elecciones Municipales 2015". El País (en castelán). Consultado o 20-10-2017. 
  14. "Jácome envía a su «ala izquierdista» a las autonómicas". La Voz de Galicia (en castelán). 30-03-2016. Consultado o 15-10-2017. 

 
 Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.