Death Grips
Death Grips é un grupo de hip hop experimental de Sacramento (California), formado no ano 2010. Os integrantes do grupo son o rapeiro/vocalista MC Ride (Stefan Burnett), Zach Hill (batería, produtor e compositor) e o enxeñeiro Andy Morin.[1][2] O guitarrista Nick Reinhart (Tera Melos) participou nos álbums Fashion Week, Jenny Death e Bottomless Pit. O seu estilo musical pode clasificarse en torno ao hip hop, punk, electrónica, noise e mesmo industrial. No 2012, a revista británica The Skinny manifestou que pasa por ser "a primeira banda verdadeiramente importante do século vinte e un".[3]
| Death Grips | |
|---|---|
 Death Grips no 2012. | |
| Orixe | Sacramento (California),  Estados Unidos |
| Período | 2010 - presente |
| Xénero(s) | hip hop, electropunk, industrial hip hop |
| Selo(s) discográfico(s) | Third Worlds, Harvest Records, Epic Records, Warp |
| Membros | MC Ride Zach Hill Andy Morin |
| Na rede | |
| http://www.thirdworlds.net/ | |
                | |
A banda lanzou en abril do 2011 o mixtape Exmilitary e o ano seguinte o seu álbum debut The Money Store, ambos con boa acollida da crítica.[4] Pouco despois de asinar con Epic Records no ano 2012 o grupo filtra e pon en descarga libre o seu segundo álbum No Love Deep Web, rompendo as condicións contractuais, o que lles valeu a expulsión da discográfica tempo despois. No 2013 publican o terceiro álbum, Government Plates. Tras non presentarse a varias actuacións (rachando cos contratos asinados) o grupo anunciou a súa disolución en xullo de 2014 xunto co lanzamento do seu cuarto álbum de estudio The Powers That B.[5][6] Porén, en marzo de 2015 a banda revelou que quizais "poderían facer máis música"[7] e despois anunciaron unha xira mundial.[8] Máis tarde ese mesmo ano anunciaron o seu quinto álbum, titulado Bottomless Pit, o cal foi publicado no mes de maio do ano 2016.[9]
Discografía editar
Álbums de estudio
- The Money Store (2012)
- No Love Deep Web (2012)
- Government Plates (2013)
- The Powers That B (2015)
- Bottomless Pit (2016)
- TBA (2017)
Mesturas
- Exmilitary (2011)
Notas editar
- ↑ https://mobile.twitter.com/bbpoltergiest/status/840695825042886656
- ↑ Clash Magazine (ed.). "Suspicious Minds - The Resolute Mission Of Death Grips". Consultado o 5 de xaneiro de 2015.
- ↑ TheSkinny (ed.). ""Death Grips: "There's a lot of recycling and destruction in the making of our music""". Consultado o 19 de abril de 2015.
- ↑ Metacritic (ed.). "Death Grips' Scores". Consultado o 30 de novembro de 2012.
- ↑ "Death Grips - Timeline Photos - Facebook". Consultado o 5 de xaneiro de 2015.
- ↑ "Ꭰeath á?Šrips (@bbpoltergiest) | Twitter". Web.archive.org. 10 de decembro de 2014. Arquivado dende o orixinal o 10 de decembro de 2014. Consultado o 27 de marzo de 2016.
- ↑ Facebook.com (ed.). "Death Grips - you're right, we might make some more". Consultado o 3 de abril de 2015.
- ↑ Facebook.com (ed.). "Death Grips - Timeline Photos". Consultado o 3 de abril de 2015.
- ↑ Facebook, ed. (21 de outubro de 2015). "Death Grips - We've decided to make a new Death Grips...". Consultado o 27 de marzo de 2016.
Véxase tamén editar
Ligazóns externas editar
- Páxina oficial (en inglés)