Daphne Caruana Galizia
Daphne Caruana Galizia, nada en Sliema o 26 de agosto de 1964 e finada en Bidnija o 16 de outubro de 2017, foi unha xornalista, columnista e blogueira maltesa. Foi clave na investigación sobre os Papeis de Panamá en Malta que salpicaban o goberno de Joseph Muscat.
.jpg)  | |
| Biografía | |
|---|---|
| Nacemento | (mul) Daphne Anne Vella 26 de agosto de 1964 Sliema (Colônia da Coroa de Malta) |
| Morte | 16 de outubro de 2017 (53 anos) Bidnija (Malta) |
| Causa da morte | Homicidio (Coche bomba ) |
| Lugar de sepultura | Addolorata Cemetery (en)  |
| Datos persoais | |
| Residencia | Bidnija (en) |
| País de nacionalidade | Malta |
| Educación | Universidade de Malta (pt) St Aloysius' College (en) |
| Actividade | |
| Ocupación | investigative journalist (en) , cronista , activista , blogueira , xornalista |
| Período de actividade | 1987 - |
| Empregador | Times of Malta (en) (1987–) The Malta Independent (en) |
| Lingua | Lingua inglesa |
| Obra | |
Obras destacables
| |
| Cronoloxía | |
| 16 de outubro de 2017 | assassination of Daphne Caruana Galizia (en)
|
Premios | |
| Páxina web | daphnecaruanagalizia.com |
   | |
Biografía editar
Empezou a traballar nos medios de comunicación en 1988, e rapidamente estabeleceuse como unha das xornalistas máis controvertidas de Malta coa súa columna na edición dominical de The Times of Malta, o Sunday Times.
En 1996, Daphne Galizia retirouse do Times despois de que o diario se negase a publicar un artigo que escribira sobre o presidente emérito Guido de Marco e a súa filla, a avogada Gianella Demarco. Este artigo apareceu entón en The Malta Independent. Inmediatamente, Daphne Galizia foi coñecida pola súa dureza en cuestións políticas e sociais.
Os seus escritos oscilaban entre os rumores sobre as figuras públicas de Malta e a análise crítica da realidade sociopolítica maltesa. En febreiro de 2010, Galizia enfrontouse a cargos de difamación por unha serie de acusacións que fixera contra a maxistrada Consuelo Scerri Herrera no seu blog.[1]
Xunto con Andrew Borg-Cardona, é unha das escritoras que criticaron con máis dureza a extrema dereita de Malta, especialmente a asociada cos puntos de vista de Norman Lowell sobre os inmigrantes irregulares.[2]
A perspectiva feminista de Daphne Galizia foi considerada polémica, instando as mulleres a que non se victimizasen a si mesmas. Cando unha traballadora maltesa gañou o primeiro caso de abuso verbal e acoso sexual laboral e a vitoria foi vista como un éxito para as mulleres de Malta, Daphne dixo que nestes casos a muller tiña que reaccionar e non comportarse así, como unha nena, xa que iso era infantil».[3][4]
O 8 de marzo de 2013, Galizia foi detida durante a noite por quebrantar a xornada de reflexión das eleccións xerais de Malta, despois de escribir artigos considerados de natureza política no seu blog.[5][6]
En 2017 foi incluída na clasificación das «28 personalidades que fan moverse a Europa» do xornal Politico Europa, pola súa colaboración na investigación que involucraba membros do goberno maltés en casos de corrupción destapados polos Papeis de Panamá.[7]
O 16 de outubro dese ano foi asasinada mediante a explosión do seu automóbil cunha bomba lapa.[8]
Premio Daphne Caruana editar
En xaneiro de 2018 a esquerda da eurocámara creou o premio Daphne Caruana para defender a liberdade de información. A primeira edición entrégase o 3 de abril coincidindo co aniversario da filtración dos Papeis de Panamá e conta cunha dotación de 5000 euros. O premio foi promovido polo eurodiputado de Podemos Miguel Urbán e o grego Stelios Kouloglou.[9]
Vida privada editar
Daphne Caruana Galizia estaba casada e tiña tres fillos. Estudou arqueoloxía na Universidade de Malta. Describíase como afeccionada á xardinaría e sobre todo á lectura.
Libro editar
Un libro sobre Daphne Caruana Galizia, chamado Invicta: The Life and Work of Daphne Caruana Galizia, foi publicado por The Pertinent Press de Oxford.[10]
Notas editar
- ↑ "Daphne Caruana Galizia expected to face charges of defamation".
- ↑ "Dying in the desert".
- ↑ "Awarded €2,000 in first case of verbal sexual abuse".
- ↑ "It's not sexual harrassment. It's bullying".
- ↑ "Caruana Galizia questioned by police for breaching 'political silence'".
- ↑ "Arrested at 9.30pm for posting three videos mocking Joseph Muscat at 7.30pm: THE GOLDEN YEARS OF LABOUR+POLICE HELL".
- ↑ "Daphne Caruana Galizia".
- ↑ Agencias. "Muere al estallar su coche una periodista que investigaba la corrupción del Gobierno maltés".
- ↑ "La izquierda en la Eurocámara crea el premio ‘Daphne Caruana’, en memoria de la periodista asesinada".
- ↑ "Copia arquivada". Arquivado dende o orixinal o 10 de xullo de 2018. Consultado o 17 de outubro de 2018.
Ligazóns externas editar
- Blog oficial de Daphne Caruana Galizia (inglés)
- Daphne Carauna Galizia, en Politico.eu (inglés)