Daniela Longo

Daniela Longo
Daniela Longo
Nacemento	1968
Área	Gravado e deseño de moedas.
Educación	Escola de Arte da Medalla (IPZS).
Obras	Moedas do euro do Vaticano.
Nacionalidade	Italiana
Sinatura	; Marca de gravadora (LONGO) en moedas de 2 euros do Vaticano.
	[ editar datos en Wikidata ]

Daniela Longo, nada en 1968,^[1] é unha gravadora italiana coñecida por ser a autora de diversas moedas do euro da Cidade do Vaticao.

Traxectoria editar

Daniela Longo cursou o ensino secundario postobrigatorio pola rama artística no V Liceo Artistico Statale, de Roma, entre 1982 e 1986. Posteriormente cursou estudos de especialización na Escola de Arte da Medalla do Istituto Poligrafico e Zecca dello Stato, entre 1990 e 1993.^[2]

En 2020, comezou tamén a exercer a docencia na Escola de Arte da Medalla do IPZS, na materia de Gravado de Corte Directo.^[2]

Entre outras experiencias laborais no ámbito artístico, en 1995 dedicouse á creación de esmaltes ao lume para o obradoiro Guccione, de Roma, e en 2009 á realización de vidreiras na Vetreria Giuliani, da mesma cidade.^[2]

Busto de Bieito XVI para as moedas do euro vaticanas (2006-2013).

Tamén colaborou con outros artistas, como Gino Gianneti —na modelaxe de obras de arte na igrexa dos Suízos, no Vaticano, en pequenas esculturas para o IPZS, etc.—, ou Guido Veroi —na pintura de vidreiras ao chumbo, etc.—.^[2]

Desde 1999 dedícase ao deseño e o gravado de moedas, medallas e selos postais para a Cidade do Vaticano. Entre as súas creacións destacan os anversos de diversas series circulantes de moedas do euro durante a sede vacante de 2005 e a nome de Bieito XVI (entre 2006 e 2013) e de Francisco (a partir de 2017), así como outras emisións conmemorativas.^[2] Ademais, Longo tamén deseña selos de correos para a República de San Marino e o Gran Ducado de Luxemburgo.^[3]