Dani Güiza
Daniel González Güiza, nado en Xerez da Fronteira (Cádiz) o 17 de agosto de 1980, é un futbolista español. Xoga de dianteiro e o seu actual club é o Atlético Sanluqueño, da Primeira División RFEF.
| Dani Güiza | |||
|---|---|---|---|
 Güiza como xogador do Mallorca en 2008 | |||
| Información persoal | |||
| Nome | Daniel González Güiza | ||
| Nacemento | 17 de agosto de 1980 (43 anos) | ||
| Lugar de nacemento | Xerez da Fronteira | ||
| Altura | 1,82 m. | ||
| Posición | Dianteiro | ||
| Información de club | |||
| Club actual | Atlético Sanluqueño | ||
| Carreira sénior | |||
| Anos | Equipos | Aprs | (Gls) |
| 1998–1999 | Xerez | 16 | (1) |
| 1999–2002 | Mallorca B | 70 | (29) |
| 1999–2003 | Mallorca | 8 | (1) |
| 1999–2000 | → Dos Hermanas (cedido) | 18 | (9) |
| 2002–2003 | → Recreativo (cedido) | 4 | (0) |
| 2003 | → Barcelona B (cedido) | 15 | (5) |
| 2003–2005 | Ciudad de Murcia | 83 | (38) |
| 2005–2007 | Getafe | 70 | (27) |
| 2007–2008 | Mallorca | 37 | (27) |
| 2008–2011 | Fenerbahçe | 62 | (23) |
| 2011–2013 | Getafe | 32 | (3) |
| 2012–2013 | → Johor Takzim (cedido) | 10 | (6) |
| 2013–2015 | Cerro Porteño | 46 | (15) |
| 2015–2017 | Cádiz | 41 | (14) |
| 2017– | Atlético Sanluqueño | 96 | (13) |
| Selección nacional | |||
| 2007–2010 | España | 21 | (6) |
| Na rede | |||
   | |||
|
Partidos e goles só en liga doméstica. Club: actualizado a 16 de novembro de 2021. [ editar datos en Wikidata ] | |||
Traxectoria editar
Inicios editar
Nacido en 1980, no seo dunha familia humilde, Dani Güiza pasou a súa infancia no popular barrio da Liberación, na zona sur de Xerez da Fronteira. Tras destacar en equipos de fútbol base, iniciou a súa carreira profesional nas filas do Xerez CD, por entón en Segunda División B. Güiza declarouse seguidor do Xerez abertamente en varias ocasións ao longo da súa vida deportiva, manifestando ata que lle gustaría xogar o último ano da súa carreira deportiva neste equipo.[1]
A tempada 1999–00 foi cedido ao Dos Hermanas CF, tamén na categoría de bronce, onde empezou a despuntar como goleador. A metade da tempada o Real Club Deportivo Mallorca fíxose cos seus servizos por 117 millóns de pesetas, un desembolso considerable para un xogador aínda en idade xuvenil.
Primeira división editar
Aínda que a súa fichaxe foi para reforzar ao filial dos baleares, esa mesma campaña chegou a debutar co primeiro equipo na máxima categoría. Foi nun encontro contra o RCD Espanyol, o 2 de abril de 2000, con só 19 anos.
A pesar dos seus prometedores inicios, nas dúas seguintes tempadas só disputou seis partidos co primeiro equipo, nos que marcou un gol. O seu baixo rendemento, acusando a súa atarefada vida extradeportiva, fixo que o club optase por cedelo a tempada 2002–03. Lucas Alcaraz, que fora o seu técnico en Dos Hermanas, abriulle as portas do Recreativo de Huelva, que acababa de ascender a Primeira División. En Huelva só disputou 4 partidos, nos que non anotou ningún gol, e terminou a tempada no filial do FC Barcelona, en Segunda B.
Rexurdir editar
O verán de 2003, coa súa carreira en claro declive a pesar dos seus 23 anos, foi traspasado ao CF Ciudad de Murcia, que ese ano debutaba en Segunda División. No club murciano recuperou o instinto goleador (16 tantos no seu primeiro ano e 20 no segundo). Uns rexistros que lle permitiron volver á máxima categoría, tras enrolarse á filas do Getafe CF.
Na súa primeira campaña no club madrileño logrou nove tantos en 32 partidos, que permitiu aos azulones manter a categoría sen apuros. Na súa segunda tempada logrou mellorar os seus números na liga, con once tantos, pero o seu papel máis destacado foi na Copa. Seus foron dous dos catro goles cos que o Getafe remontou un 5-2 do FC Barcelona, clasificándose para a final copeira por primeira vez na súa historia, un éxito sen precedentes para o modesto club madrileño. Güiza foi titular na final, que o seu equipo acabou perdendo ante o Sevilla FC.
Explosión editar
O verán de 2007, tras rexeitar ofertas do Deportivo da Coruña e o Kazan ruso, finalmente foi traspasado ao RCD Mallorca.[2] No seu regreso ao conxunto balear protagonizou a mellor campaña da súa carreira, sendo o máximo goleador da liga española con 27 dianas, batendo a marca anotadora dun xogador mallorquinista nunha tempada. O rexistro, ademais, permitiulle gañar a Bota de Prata como segundo mellor goleador das ligas europeas.[3] Mercé a esta gran tempada, en novembro de 2007 debutou coa selección española e foi convocado para participar na Eurocopa 2008, onde marcou dous goles, un deles en semifinais. Recibiu o premio Cidade de Xerez á deportividade.
O 15 de xullo de 2008 firma por catro anos co Fenerbahçe SK a cambio de 15 millóns de euros, o que lle converte na fichaxe máis cara da historia do fútbol turco.[4] No club de Istambul coincide con Luis Aragonés, que xa fora o seu técnico en Mallorca e coa selección.
Selección nacional editar
Foi internacional en vinte ocasións coa Selección de fútbol de España. Debutou o 21 de novembro de 2007, nun partido de clasificación para a Eurocopa 2008 ante Irlanda do Norte, disputado no Estadio de Gran Canaria, con resultado 1-0 a favor dos españois.
Güiza foi convocado polo seleccionador Luis Aragonés para formar parte dos 23 xogadores que disputaron a Eurocopa 2008. Güiza xogou o terceiro partido da primeira fase completo, e participou nos partidos de cuartos de final, semifinal e final. En total estivo no terreo de xogo durante aproximadamente 175 minutos de competición. Meteu dous goles: un contra Grecia na primeira fase e outro contra Rusia na semifinal.
Palmarés editar
Campionatos nacionais editar
| Título | Club | País | Ano |
|---|---|---|---|
| Supercopa de Turquía | Fenerbahçe SK | Turquía | 2009 |
| Liga de Turquía | Fenerbahçe SK | Turquía | 2011 |
Copas internacionais editar
| Título | Club | País | Ano |
|---|---|---|---|
| Eurocopa | Selección nacional | España | 2008 |
Distincións individuais editar
| Distinción | Ano |
|---|---|
| Trofeo Pichichi | 2008 |
| Bota de Prata | 2008 |
| Trofeo Zarra | 2008 |
Notas editar
- ↑ «O 2008 foi o ano máis bonito de toda a miña carreira»
- ↑ Diario As. "Ofensiva por Güiza". Consultado o 3 de maio de 2008.
- ↑ Diario Marca (2008). "Cristiano gaña a Bota de Ouro, Güiza a de Prata". Consultado o 19 de maio.
- ↑ "Güiza llega al Fenerbahçe como el fichaje más caro del fútbol turco" [Güiza chega ao Fenerbahçe como a fichaxe máis cara do fútbol turco]. La Vanguardia. 14-07-2008. Arquivado dende o orixinal o 12-04-2019. Consultado o 12-04-2019.