Dólar de prata da Biblioteca do Congreso dos Estados Unidos
| Dólar de prata da Biblioteca do Congreso dos EEUU | |
|---|---|
 |
 |
| A/: Dous libros, un deles aberto; atrás un facho. Lendas: LIBRARY OF CONGRESS / 1800 2000 / IN GOD WE TRUST / LIBERTY | R/: Cúpula do Edificio Jefferson da Biblioteca do Congreso.
Lenda: UNITED STATES OF AMERICA / E PLURIBUS UNUM ONE DOLLAR |
| |
O dólar de prata da Biblioteca do Congreso dos Estados Unidos é unha moeda conmemorativa, non circulante, emitida en 2000 e cuñada pola Casa da Moeda dos Estados Unidos na súa Ceca de Filadelfia.
Esta moeda dun dólar forma parte dunha serie de dous valores —a outra é de 10 dólares— e foi autorizada pola Lei 105–268, do 19 de outubro de 1989,[1] para conmemorar o 200º Aniversario da Biblioteca do Congreso dos Estados Unidos.[2][3]
Deseño editar
O anverso deste dólar foi deseñado polo gravador da US Mint Thomas D. Rogers, autor tamén do reverso inicial do popular dólar Sacagawea. No anverso represéntanse dous libros, un deles aberto e apoiado noutro, que está pechado, e ao fondo aparece o facho da aprendizaxe.[2][4]
O reverso é obra John Mercanti, recoñecido autor de numerosas moedas conmemorativas dos Estados Unidos. Neste reverso represéntase a cúpula do Edificio Jefferson, un dos catro que compoñen a Biblioteca do Congreso, construído entre 1890 e 1897.[2][4]
Produción e comercialización editar
A Lei 105-268 autorizou unha tiraxe máxima de 500.000 exemplares.[1][2] A súa comercialización comezou o 24 de abril de 2000 e, ao remate do período de venda a finais dese ano, chegárase á venda de 53.264 exemplares con acabamento estándar e 198.503 con acabamento especial (proof).[4][5]
Aínda que durante o seu período de distribución o dólar de prata tivo máis éxito comercial que a moeda de 10 dólares que completaba a serie, no mercado secundario foi esta última a que se fixo máis popular, polo feito de ser a primeira moeda bimetálica —en ouro e platino— emitida nos Estados Unidos.[4][6]
Unha parte dos beneficios económicos da súa comercialización foi destinada ao fondo económico en apoio dos programas de divulgación da Biblioteca do Congreso (Library of Congress Trust Fund Board).[2]
Notas editar
- ↑ 1,0 1,1 "Public Law 105-268 - Oct. 19, 1998". Govinfo.gov
- ↑ 2,0 2,1 2,2 2,3 2,4 "Library of Congress Commemorative Silver Dollar Coin". United States Mint.
- ↑ "Library of Congress Commemorative Coins". United States Mint.
- ↑ 4,0 4,1 4,2 4,3 "1 Dollar Library of Congress". Numista.com
- ↑ "Historical Commemorative Coin Sales Figures: 2000 Library of Congress". United States Mint.
- ↑ "2000 Library of Congress $10 Bimetallic Gold and Platinum". ModernCommemoratives.com
Véxase tamén editar
Outros artigos editar
Ligazóns externas editar
- "2000 Library of Congress Silver Dollar" (ModernCommemoratives.com)