Dámaso Alonso

Dámaso Alonso Fernández de las Redondas, nado en Madrid o 22 de outubro de 1898 e finado na mesma cidade o 25 de xaneiro de 1990, foi un escritor, crítico literario e filólogo español. Membro da xeración do 27 e Premio Miguel de Cervantes 1978.

Dámaso Alonso

Biografía
Nacemento	22 de outubro de 1899 Madrid, España
Morte	25 de xaneiro de 1990 (90 anos) Madrid, España
Lugar de sepultura	Cemiterio de La Almudena
Educación	Universidade de Madrid Universidade Complutense de Madrid Our Lady of Remembrance College (en)
Actividade
Ocupación	poeta, profesor universitario, tradutor, crítico literario, lingüista, escritor, filólogo, romanista
Empregador	Universidade Complutense de Madrid Universidade de Valencia
Membro de	Real Academia Galega (membro de honra) (1969–1990) Real Academia Galega (membro correspondente) (1945–1969) Accademia della Crusca (pt) Asociación Internacional de Hispanistas (pt) Academia de Ciencias de Baviera Academia Mexicana da Lingua Real Academia de la Historia Real Academia Española
Xénero artístico	Poesía
Alumnos	Fernando Lázaro Carreter e Bartolomé Llorens (en)
Obra
Doutorando	Ramón Lorenzo, Fernando Lázaro Carreter, Alonso Zamora Vicente, María Josefa Canellada e A. Porqueras-Mayo
Familia
Cónxuxe	Eulalia Galvarriato
Premios
(1978)  Premio Miguel de Cervantes (1977)  Gran Cruz de Afonso X o Sabio (1950)  doutor honoris causa pola Universidade de Bordeos (1927)  Q51881509  doutor honoris causa pola Universidade Nacional Maior de San Marcos  doutor honoris causa pola Universidade de Friburgo de Brisgovia  Premio Fastenrath  doutor honoris causa pola Universidade de Oxford  Premio Nacional de Poesía de España  Doutor honoris causa pola universidade de Hamburgo  Gran Cruz da Orde O Sol do Perú

Traxectoria

Fillo de pai de Ribadeo e nai de Castropol, estudou dereito, filosofía e literatura antes de entrar no Centro de Estudios Históricos dirixido por Ramón Menéndez Pidal, tomou parte nas actividades da Residencia de Estudiantes, onde coñeceu a Federico García Lorca, Luis Buñuel, José Bello e Salvador Dalí; Alonso escribiu nas revistas literarias La Revista de Occidente e Los Catro Vientos, deu clases de español en numerosas universidades estranxeiras e dende 1933 foi catedrático na Universidade de Valencia ata que en 1939 pasou á Universidade de Madrid, onde comparte exilio interior co seu amigo Vicente Aleixandre. Membro da Real Academia Española dende 1945, foi o seu director entre 1968 e 1982.

Obra

Os seus primeiros poemarios considéranse obra de xuventude, con escaso mérito literario (Poemas puros e Poemillas de la ciudad en 1921 e El viento y el verso en 1925).

Hijos de la ira (1944) contribuíu a abrir novos camiños á poesía española da posguerra. Dámaso expresa unha visión desgarrada e sombría da condición humana, para o que utiliza longos versículos e unha linguaxe violenta e mesmo vulgar.

Como estudoso da literatura, Alonso revolucionou o estudo da poesía barroca española, particularmente o traballo de Luis de Góngora, do que fixo unha edición crítica das súas Soledades da que a súa data de publicación, 1927, dá nome á xeración do 27.

Relación de obras:

• Poemas puros
• Poemillas de la ciudad
• El viento y el verso
• Hijos de la ira
• Hombre y Dios
• Gozos de la vista
• Duda y amor sobre el Ser Supremo

Dámaso Alonso e o galego

Dámaso Alonso investigou o galego que se fala nos Ancares e nos Ozcos, e foi o primeiro filólogo en clasificar a fala de entre Eo e Navia como galega, aínda que a denominou co termo de galego-asturiano.

Entre os seus traballos sobre o galego destacan Junio y Julio entre Galicia y Asturias (1945), El saúco entre Galicia y Asturias (1946), Enxebre (1947), Gallego-asturiano 'engalar', 'volar'. Casos y resultados de velarización de n en el dominio gallego (1954), El gallego-leonés de los Ancares y su interés para la dialectología portuguesa (1959), Narraciones orales gallego-asturianas (1969)

Mantivo unha certa relación con Ribadeo.