Ctesias
Ctesias, nado en Cnido no século século -V e finado no século -IV, foi un historiador grego e médico de Artaxerxes Mnemón na corte de Persia. Acompañouno na súa expedición do ano -401 contra o seu irmán Ciro o Xove.
| Ctesias | |
|---|---|
| Nacemento | século V a. C.xuliano |
| Lugar de nacemento | Cnido |
| Falecemento | século IV a. C.xuliano |
| Lugar de falecemento | Cnido |
| Ocupación | médico, historiador, escritor e indianista |
| [ editar datos en Wikidata ] | |
TraxectoriaEditar
É o autor dunha Historia de Persia, ou Pérsica en 23 libros en dialecto xónico desde as orixes até o -389 seguindo o modelo de Heródoto, mais introducindo elementos novelescos. Consérvase un fragmento extenso en papiro, así como un resumo de Focio (século IX) e fragmentos reproducidos por Plutarco e Diodoro Sículo. Redactou tamén tratados sobre os ríos e sobre a economía persa, e unha descrición da India.
Os primeiros seis libros da Pérsica tratan da historia de Asiria e Babilonia até a fundación do Imperio Persa. Escribiunos en oposición a Herodoto e hoxe estímase que non son moi veraces.